បរទេស៖ កោះតៃវ៉ាន់ បានបង្ហាញនូវនាវាមុជទឹកដែលផលិតក្នុងស្រុកជាលើកដំបូងរបស់ខ្លួន ដោយមេដឹកនាំលោកស្រី Tsai Ing-wen បង្ហាញក្តីសង្ឃឹមថា ការផ្លាស់ប្តូរនេះនឹងធ្វើឱ្យកោះនេះកាន់តែ “ពឹងផ្អែកលើខ្លួនឯង” ។ អ្នកអភិវឌ្ឍន៍នាវាមុជទឹកដែលមានតម្លៃ ១,៥ ពាន់លានដុល្លារពីមុនបានហៅវាថា ជា “អាវុធវេទមន្តក្នុងសង្គ្រាមមិនទៀងទាត់” ជាមួយទីក្រុងប៉េកាំង។
យោងតាមសារព័ត៌មាន RT ចេញផ្សាយនៅថ្ងៃទី២៩ ខែកញ្ញា ឆ្នាំ២០២៣ បានឱ្យដឹងថា លោកស្រី Tsai បានមើលការខុសត្រូវលើពិធីសម្ពោធនាវានេះកាលពីថ្ងៃព្រហស្បតិ៍ ដែលត្រូវបានកំណត់ថា ជានាវាមុជទឹកថ្មីដំបូងគេក្នុងចំណោមនាវាមុជទឹកថ្មីចំនួន៨ដែលនឹងចូលបម្រើការនៅឆ្នាំ ២០២៥។ នាវាមុជទឹកទាំងនោះនឹងចូលរួមជាមួយនាវាមុជទឹក២ផ្សេងទៀតនៅក្នុងកងនាវារបស់ទីក្រុងតៃប៉ិ ដែលទាំងពីរទទួលបានពីប្រទេសហូឡង់កាលពី ៤ ទសវត្សរ៍មុន។
លោកស្រីបានបន្ថែមថា “កាលពីមុន នាវាមុជទឹកដែលផលិតក្នុងស្រុកត្រូវបានចាត់ទុកថាជាកិច្ចការដែលមិនអាចទៅរួច ប៉ុន្តែសព្វថ្ងៃនេះ នាវាមុជទឹកដែលរចនា និងផលិតដោយប្រជាជននៃប្រទេសរបស់យើងគឺនៅចំពោះមុខយើង” ។ កោះតៃវ៉ាន់ត្រូវតែចាត់វិធានការនេះហើយអនុញ្ញាតឱ្យគោលនយោបាយការពារជាតិដែលពឹងផ្អែកលើខ្លួនឯងរីកចម្រើន និងរីកចម្រើននៅលើទឹកដីរបស់យើង”។
ការប្រកាសនេះធ្វើឡើងចំពេលមានការព្រមានម្តងហើយម្តងទៀតពីមន្ត្រីតៃវ៉ាន់អំពីសកម្មភាពយោធារបស់ចិននៅក្នុងដែនអាកាស និងដែនទឹកជុំវិញកោះនេះ ដោយរដ្ឋមន្ត្រីការពារជាតិតៃវ៉ាន់លោក Chiu Kuo-cheng ថ្មីៗនេះបានចង្អុលទៅសមយុទ្ធ “ផ្លូវគោក សមុទ្រ ផ្លូវអាកាស និងនាវាចរណ៍” ដោយសាធារណៈរដ្ឋប្រជាមានិត៕ ប្រែសម្រួលៈ ណៃ តុលា
