ព្រុចសែល៖ អតិផរណាប្រចាំឆ្នាំ នៅក្នុងតំបន់ចាយប្រាក់អឺរ៉ូបានធ្លាក់ចុះមកនៅត្រឹម ៤,៣ភាគរយក្នុងខែកញ្ញាពី ៥,២ភាគរយនៅក្នុងខែសីហា នេះបើតាមការស្ថិតិរបស់ Eurostat ដែលជាការិយាល័យស្ថិតិរបស់សហភាពអឺរ៉ុប។
តម្លៃអាហារ គ្រឿងស្រវឹង និងថ្នាំជក់ គឺជាកត្តាជំរុញដ៏សំខាន់នៃអត្រាអតិផរណាប្រចាំឆ្នាំ នៅក្នុងតំបន់ចាយប្រាក់អឺរ៉ូដែលមានសមាជិកចំនួន ២០។ អត្រាអតិផរណានៅទីនេះគឺ ៨,៨ ភាគរយនៅក្នុងខែកញ្ញាធៀបនឹង ៩,៧ភាគរយនៅក្នុងខែសីហា។
អត្រាអតិផរណាតម្លៃសេវាកម្មប្រចាំឆ្នាំបានធ្លាក់ចុះពី ៥,៥ ភាគរយនៅក្នុងខែសីហាមក ៤,៧ភាគរយនៅក្នុងខែកញ្ញា។ តម្លៃនៃទំនិញ មិនមែនឧស្សាហកម្មបានមើលឃើញថា អតិផរណាប្រចាំឆ្នាំធ្លាក់ចុះពី ៤,៧ភាគរយនៅក្នុងខែសីហាមក ៤,២ភាគរយនៅក្នុងខែកញ្ញា។
ការរួមចំណែកនៃតម្លៃថាមពលទៅនឹងអតិផរណាប្រចាំឆ្នាំ គឺអវិជ្ជមាន។ អត្រានេះគឺ -៤,៧ភាគរយនៅក្នុងខែកញ្ញាសូម្បីតែតិចជាង -៣,៣ ភាគរយនៅក្នុងខែសីហា នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
តាមប្រទេសនីមួយៗ អត្រាអតិផរណាខ្ពស់បំផុតពីមួយឆ្នាំទៅមួយឆ្នាំត្រូវបានកត់ត្រាក្នុងប្រទេសស្លូវ៉ាគី (៨,៩ភាគរយ) ក្រូអាស៊ី (៧,៣ភាគរយ) និងស្លូវេនី (៧,១ភាគរយ) ។
លោក Bert Colijn សេដ្ឋវិទូជាន់ខ្ពស់នៅក្រុមហ៊ុន ING សម្រាប់តំបន់ចាយប្រាក់ អឺរ៉ូបានអត្ថាធិប្បាយថា “អតិផរណាបានធ្លាក់ ចុះច្រើនជាងការរំពឹងទុកពី ៥,២ភាគរយ ទៅ ៤,៣ភាគរយនៅក្នុងខែកញ្ញា ដែលជាសញ្ញាលើកទឹកចិត្តមួយ”៕
ប្រែសម្រួល ឈូក បូរ៉ា
