បរទេស៖ អ្នករិះគន់នយោបាយលោក Randy Credico បានប្រាប់ RT កាលពីថ្ងៃពុធ ដោយលើកឡើងថា ការសម្រេចចិត្តរបស់មន្ទីរបញ្ចកោណក្នុងការបញ្ជូននាវាដឹកយន្តហោះទៅកាន់តំបន់គឺគ្រាន់តែជា “សាច់ដុំដ៏ធំសម្បើម និងបត់បែន” និងថា ការធ្វើអន្តរាគមន៍ដោយផ្ទាល់របស់សហរដ្ឋអាមេរិកនៅក្នុងសង្គ្រាមរវាងអ៊ីស្រាអែល និងក្រុមហាម៉ាស់នឹងក្លាយជា “កំហុសដ៏ធំមួយ” ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែតុលា ឆ្នាំ២០២៣ បានឱ្យដឹងថា Credico បានអះអាងថា សហរដ្ឋអាមេរិក “លាតសន្ធឹងយ៉ាងខ្លាំង ខ្ញុំមិននឹកស្មានថាពួកគេនឹងចូលរួមក្នុងជម្លោះនេះទេ ព្រោះវាប្រាកដជានឹងបង្កឱ្យមានការឆ្លើយតបដ៏ច្រើនពីប្រទេសផ្សេងទៀតនៅក្នុងតំបន់នោះ” ។ «ប្រសិនបើពួកគេទៅទីនោះ ហើយជម្លោះនេះកាន់តែរីកធំ ហើយពួកគេអូសទាញក្នុងប្រទេសអ៊ីរ៉ង់, អ៊ីរ៉ង់អាចនឹងបាញ់ពន្លិចនាវាណាមួយរបស់អាមេរិកដែលចូលជិតពួកគេ ឬជិតអ៊ីស្រាអែល ឬជិតស៊ីរី»។
អ្នករិះគន់ផ្នែកនយោបាយរូបនេះ បន្តថា “អ្វីដែលកំពុងកើតឡើងនៅពេលនេះ ខ្ញុំគិតថាជាអន្ទាក់សម្រាប់ទាំងអ៊ីស្រាអែល និងសហរដ្ឋអាមេរិក ហើយពួកគេគួរតែព្យាយាមបន្ថយ និងចរចា និងធ្វើអ្វីមួយដើម្បីចេញពីភាពរញ៉េរញ៉ៃនេះភ្លាមៗ”។
លោកលើកឡើងទៀតថា មានឱកាស “50 ទៅ 100%” នៃអាវុធរបស់សហរដ្ឋអាមេរិកដែលត្រូវបានបញ្ជូនទៅអ៊ុយក្រែន ដែលនឹងបញ្ចប់នៅក្នុងដៃរបស់ក្រុមហាម៉ាសដោយចង្អុលបង្ហាញថា ដោយសារតែអំពើពុករលួយរបស់ទីក្រុងគៀវ និងកង្វះការទទួលខុសត្រូវនៅក្នុងទីក្រុងវ៉ាស៊ីនតោន ដែល “វាមិនគួរឱ្យភ្ញាក់ផ្អើលទាល់តែសោះ៕
ប្រែសម្រួលៈ ណៃ តុលា
