បរទេស៖យោងតាមការចេញផ្សាយរបស់ RT ក្រុមមន្ត្រីមកពីសហរដ្ឋអាមេរិក និងកាតាបានចូលរួមកិច្ចសន្ទនាក្នុងគោលបំណងធានាឱ្យមានការដោះលែងចំណាប់ខ្មាំងជនស៊ីវិលដែលឃុំខ្លួនដោយក្រុមសកម្មប្រយុទ្ធហាម៉ាស នៅក្នុងតំបន់ហ្គាហ្សា។
ប្រភពដដែលបានសរសេរថាកាលពីល្ងាចថ្ងៃសៅរ៍បានឲ្យដឹងបែបនេះថាមានកិច្ចប្រជុំវិជ្ជមានកាលពីម្សិលមិញ ហើយក្រុមហាម៉ាសហាក់ដូចជាមានឆន្ទៈក្នុងការដោះលែងចំណាប់ខ្មាំងជនស៊ីវិលប៉ុន្តែក្រុមហាម៉ាសនិយាយថា ពួកគេមិនអាចធ្វើដូច្នេះបានទេ ខណៈដែលការទម្លាក់គ្រាប់បែកនៅតែបន្តដោយកងកម្លាំងរបស់អ៊ីស្រាអែលនៅឡើយនោះ។
គួរឲ្យដឹងដែរថាចំនួនចំណាប់ខ្មាំងពិតប្រាកដដែលក្រុមហាម៉ាសត្រូវបានចាប់ខ្លួន បន្ទាប់ពីការវាយប្រហារកាលពីថ្ងៃសៅរ៍មុនក្នុងប្រទេសអ៊ីស្រាអែលនៅតែមិនច្បាស់លាស់ ប៉ុន្តែរបាយការណ៍បានបង្ហាញថាវាអាចមានដល់ទៅ១៥០នាក់។
គិតមកទល់ពេលនេះសេតវិមានបាននិយាយនៅក្នុងប៉ុន្មានថ្ងៃកន្លងមកនេះថាចំនួនចំណាប់ខ្មាំង របស់អាមេរិកមានចំនួនតិចតួចណាស់ហើយ រដ្ឋបាលរបស់លោក Biden ក៏បានបង្ហាញដែរថា ជនជាតិអាមេរិកប្រមាណតែជា ២២ នាក់បានស្លាប់ក្នុងជម្លោះនេះ៕
ប្រែសម្រួល៖ស៊ុនលី
