តេហរ៉ង់៖ ប្រភពពីទីភ្នាក់ងារ Reuters បានផ្សព្វផ្សាយនៅថ្ងៃទី១៧ ខែតុលា ឆ្នាំ២០២៣ថា អ៊ីរ៉ង់បានព្រមានកាលពីថ្ងៃចន្ទ អំពី “សកម្មភាពដែលអាចកើតមានជាមុន” ប្រឆាំងនឹងអ៊ីស្រាអ៊ែល “នៅក្នុងប៉ុន្មានម៉ោងខាងមុខនេះ” ខណៈដែលអ៊ីស្រាអ៊ែលត្រៀមខ្លួនសម្រាប់ការវាយប្រហារនៅលើដីនៅតំបន់ហ្គាហ្សាស្ទ្រីប ។
ក្រុងតេហរ៉ង់ បានព្រមានម្តងហើយម្តងទៀតថា ការវាយប្រហារលើដីនៅតំបន់ហ្គាហ្សា ដែលត្រូវបានរារាំងជាយូរមកហើយនឹងត្រូវបានឆ្លើយតបជាមួយនឹងការឆ្លើយតបពីរណសិរ្សដទៃទៀត ដែលជំរុញឱ្យមានការភ័យខ្លាចនៃជម្លោះកាន់តែធំឡើងៗដែលអាចទាក់ទាញនៅក្នុងប្រទេសផ្សេងទៀត ។
លោក Hossein Amir-Abdollahian រដ្ឋមន្ត្រីការបរទេសអ៊ីរ៉ង់ បានឲ្យដឹងនៅក្នុងការផ្សាយផ្ទាល់មួយទៅកាន់ទូរទស្សន៍រដ្ឋថា “លទ្ធភាពនៃសកម្មភាពជាមុនដោយក្រុមតស៊ូត្រូវបានរំពឹងទុកនៅក្នុងប៉ុន្មានម៉ោងខាងមុខនេះ” ។
កាលពីព្រឹកថ្ងៃចន្ទនេះ មន្ត្រីការទូត និងប្រធានាធិបតីកំពូលរបស់អ៊ីរ៉ង់ លោក Ebrahim Raisi បានថ្លែងថា ពេលវេលាអស់ហើយ ដើម្បីឈានទៅដល់ដំណោះស្រាយនយោបាយ និងបានព្រមានប្រឆាំងនឹងការពង្រីកសង្រ្គាមរបស់អ៊ីស្រាអ៊ែល និងក្រុមហាម៉ាស ឈានទៅរករណសិរ្សផ្សេងទៀត ៕ ប្រែសម្រួលដោយ៖ ម៉ៅ បុប្ផាមករា
