បរទេស៖ តុលាការរបស់ប្រទេសអ៊ីរ៉ង់ កាលពីថ្ងៃព្រហស្បតិ៍បានបញ្ជាឱ្យរដ្ឋាភិបាលសហរដ្ឋអាមេរិក បង់ប្រាក់សំណងចំនួន ៤២០ លានដុល្លារដល់ជនរងគ្រោះ នៃប្រតិបត្តិការដែលបានបរាជ័យក្នុងឆ្នាំ១៩៨០ ដើម្បីដោះលែងចំណាប់ខ្មាំងដែលត្រូវបានឃុំខ្លួននៅស្ថានទូតសហរដ្ឋអាមេរិក។
យោងតាមសារព័ត៌មាន VOA ចេញផ្សាយកាលពីថ្ងៃទី២៦ ខែតុលា ឆ្នាំ២០២៣ បានឱ្យដឹងថា ភ្លាមៗបន្ទាប់ពីបដិវត្តអ៊ីស្លាមឆ្នាំ ១៩៧៩ បានផ្តួលរំលំ ពួក shah ដែលគាំទ្រដោយលោកខាងលិច និស្សិតអ៊ីរ៉ង់បានសម្រុកចូលស្ថានទូតអាមេរិកនៅទីក្រុងតេអេរ៉ង់ ហើយបានចាប់ជនជាតិអាមេរិកជាង ៥០ នាក់ធ្វើជាចំណាប់ខ្មាំងអស់រយៈពេល ៤៤៤ ថ្ងៃ។
និស្សិតទាំងនោះបានអំពាវនាវឲ្យមានការធ្វើបត្យាប័នអ្នកដែលត្រូវបានគេបណ្តេញចេញ ដែលកំពុងទទួលការថែទាំសុខភាពនៅសហរដ្ឋអាមេរិក។
នៅខែមេសា ឆ្នាំ ១៩៨០ ទីក្រុង វ៉ាស៊ីនតោនបានព្យាយាមរំដោះចំណាប់ខ្មាំងនៅក្នុងប្រតិបត្តិការសម្ងាត់កំពូល Eagle Claw ដែលបានបញ្ចប់ដោយគ្រោះមហន្តរាយបន្ទាប់ពីការរត់ចូលទៅក្នុងព្យុះខ្សាច់ និងបញ្ហាមេកានិច។
ខណៈកម្លាំងជួយសង្គ្រោះបានដកថយ យន្តហោះអាមេរិកពីរគ្រឿងបានបុកគ្នាបណ្តាលឲ្យទាហាន៨នាក់ស្លាប់។
នៅក្នុងរបាយការណ៍កាលពីថ្ងៃព្រហស្បតិ៍របស់ខ្លួន ទីភ្នាក់ងារសារព័ត៌មាន Mizan Online របស់តុលាការបាននិយាយថា ក្នុងអំឡុងពេលប្រតិបត្តិការ កងកម្លាំងសហរដ្ឋអាមេរិកបានវាយប្រហាររថយន្តក្រុងដឹកអ្នកដំណើរជនជាតិអ៊ីរ៉ង់។ វាមិនបានបញ្ជាក់លម្អិតទេ។
Mizan Online បានផ្សាយដោយមិនបានបញ្ជាក់ចំនួនជនរងគ្រោះថា បន្ទាប់ពីពាក្យបណ្តឹងដែលប្តឹងដោយក្រុមគ្រួសារជនរងគ្រោះ ពាក់ព័ន្ធនឹងប្រតិបត្តិការ Eagle Claw របស់សហរដ្ឋអាមេរិក តុលាការអីរ៉ង់បានបញ្ជាឱ្យរដ្ឋាភិបាលសហរដ្ឋអាមេរិកបង់ប្រាក់សំណងចំនួន ៤២០ លានដុល្លារ” ។
ប្រព័ន្ធផ្សព្វផ្សាយអ៊ីរ៉ង់បានរាយការណ៍ថា មេបញ្ជាការមូលដ្ឋាននៃកងឆ្មាំបដិវត្តន៍ម្នាក់ត្រូវបានបាញ់សម្លាប់ដោយអចេតនាដោយកងកម្លាំងអ៊ីរ៉ង់ ខណៈកំពុងឈរយាមការពារសម្ភារៈយោធាអាមេរិកដែលត្រូវបានបោះបង់ចោលក្នុងអំឡុងពេលប្រតិបត្តិការ។
កាលពីខែសីហា តុលាការក្រុងតេហេរ៉ង់បានបញ្ជាឱ្យរដ្ឋាភិបាលសហរដ្ឋអាមេរិកបង់ប្រាក់សំណងចំនួន ៣៣០ លានដុល្លារ សម្រាប់ “ការធ្វើផែនការរដ្ឋប្រហារ” ក្នុងឆ្នាំ ១៩៨០ ប្រឆាំងនឹងសាធារណរដ្ឋអ៊ីស្លាម។
បណ្តឹងដែលប្តឹងក្រុងវ៉ាស៊ីនតោននៅក្នុងតុលាការអ៊ីរ៉ង់ បានធ្វើឡើងជាបន្តបន្ទាប់នូវរង្វាន់សំណងរាប់ពាន់លានដុល្លារប្រឆាំងនឹងទីក្រុងតេអេរ៉ង់ ដែលធ្វើឡើងដោយតុលាការសហរដ្ឋអាមេរិក៕ ប្រែសម្រួលៈ ណៃ តុលា
