បរទេស៖ លោក Elon Musk ដែលជាមហាសេដ្ឋី និងជាម្ចាស់ក្រុមហ៊ុន SpaceX បានអះអាងក្នុងអំឡុងពេលកម្មវិធី podcast ជាមួយលោក Joe Rogan កាលពីថ្ងៃអង្គារថា ម្ចាស់ជំនួយគណបក្សប្រជាធិបតេយ្យដ៏ល្បីល្បាញរបស់សហរដ្ឋអាមេរិកគឹមហាសេដ្ឋី George Soros កំពុងព្យាយាមយ៉ាងមានប្រសិទ្ធភាពក្នុងការរុះរើសង្គម។ លោក Musk ក៏បានរិះគន់មហាសេដ្ឋីអាមេរិក ដើមកំណើតហុងគ្រីរូបនេះ ចំពោះ “ការផ្លាស់ប្តូរច្បាប់” ប្រកបដោយប្រសិទ្ធភាពដោយធ្វើឱ្យប្រាកដថាពួកគេមិនត្រូវបានអនុវត្ត។
យោងតាមសារព័ត៌មាន RT ចេញផ្សាយនៅថ្ងៃទី១ ខែវិច្ឆិកា ឆ្នាំ២០២៣ បានឱ្យដឹងដោយផ្អែកតាមការលើកឡើងរបស់លោក Musk ថា “លោក George Soros កំពុងធ្វើអ្វីៗដែលបំផ្លាញអារ្យធម៌” ដោយពន្យល់ថា ភាពគ្មានច្បាប់បច្ចុប្បន្នកំពុងញាំញីទីក្រុងជាច្រើនអាមេរិកដូចជា San Francisco និង Los Angeles គឺជាលទ្ធផលដែល Soros គាំទ្រជាលំដាប់ចំពោះមន្រ្តីសាធារណៈ ដែល “បដិសេធមិនកាត់ទោសផ្នែកឧក្រិដ្ឋកម្ម” ។ លោក Musk បានកត់សម្គាល់ថា មហាសេដ្ឋី George Soros ក៏កំពុង “ជំរុញរឿងទាំងនេះនៅក្នុងប្រទេសផ្សេងទៀតផងដែរ” ។
បណ្តាទីក្រុងដែលបានលើកឡើងដោយ Musk ក្នុងរយៈពេលប៉ុន្មានឆ្នាំចុងក្រោយនេះ ឃើញថាមានការកើនឡើងគួរឱ្យកត់សម្គាល់នៃអត្រាឧក្រិដ្ឋកម្ម ដែលមនុស្សជាច្រើនបានសន្មតថាជាការបោះឆ្នោតនៃ DAs ដែលកំពុងរីកចម្រើនដូចជា លោក Chesa Boudin របស់ San Francisco ។ កាលពីឆ្នាំមុន លោក Boudin ត្រូវបានគេបោះឆ្នោត បណ្តេញចេញពីមុខតំណែង ក្នុងការបោះឆ្នោតដកតំណែង បន្ទាប់ពីប្រឈមនឹងការចោទប្រកាន់ថា លោកមានភាពទន់ភ្លន់ពេកលើឧក្រិដ្ឋជន។
លោក Musk បានសន្មតថា លោក “Soros បានដឹងថាអ្នកមិនចាំបាច់ផ្លាស់ប្តូរច្បាប់នោះទេ អ្នកគ្រាន់តែត្រូវផ្លាស់ប្តូររបៀបដែលពួកគេអនុវត្ត។ ប្រសិនបើគ្មាននរណាម្នាក់ជ្រើសរើសអនុវត្តច្បាប់ ឬច្បាប់ត្រូវបានអនុវត្តខុសគ្នា វាដូចជាការផ្លាស់ប្តូរច្បាប់ដូច្នេះដែរ”។
ម្ចាស់ X ដែលជាអតីត Twitter រូបនេះបានបន្តអះអាងថា ទោះបីជាលោក Soros អាយុ ៩៣ ឆ្នាំ “ចាស់ខ្លាំង”ក៏ដោយ ក៏នៅចំណុចនេះ ក៏លោកនៅតែ “ឆ្លាតវៃ” និងប៉ិនប្រសព្វក្នុងការកេងយកផលចំណេញ ដោយដឹងថា “តម្លៃសម្រាប់ប្រាក់” ខ្ពស់បំផុតគឺនៅក្នុងការគាំទ្រការប្រណាំងប្រជែងក្នុងស្រុក ជាជាងយុទ្ធនាការបោះឆ្នោតថ្នាក់ជាតិ ដូចជាការបោះឆ្នោតសម្រាប់ព្រឹទ្ធសភា ឬប្រធានាធិបតី៕ ប្រែសម្រួលៈ ណៃ តុលា
