បរទេស៖ មន្ត្រីជាន់ខ្ពស់មួយរូបបាននិយាយកាលពីថ្ងៃពុធថា ខ្សែទូរស័ព្ទទាន់ហេតុការណ៍លេខ ១៤៤១ របស់មជ្ឈមណ្ឌលប្រតិបត្តិការ ប្រឆាំងការឆបោកតាមអ៊ីនធឺណិត (AOC) ទទួលទូរស័ព្ទស្ទើរតែគ្មានពេលសម្រាក ជាមួយនឹងការហៅទូរស័ព្ទចូលចំនួន ១៥.០០០ដង ក្នុងរយៈពេលប្រាំមួយថ្ងៃដំបូងនៃប្រតិបត្តិការ ដែលបានឃើញគណនីដែលសង្ស័យចំនួន ៦៨០ ត្រូវបានបង្កកផងដែរ។
យោងតាមសារព័ត៌មាន The Nation របស់ថៃចេញផ្សាយនៅថ្ងៃទី៨ ខែវិច្ឆិកា ឆ្នាំ២០២៣ បានឱ្យដឹងថា ក្រសួងសេដ្ឋកិច្ច និងសង្គមឌីជីថល បានបើកដំណើរការនៅថ្ងៃទី១ ខែវិច្ឆិកា ជាមជ្ឈមណ្ឌលសេវាកម្មច្រកចេញចូលតែមួយ ដើម្បីជួយជនរងគ្រោះនៃអ្នកបោកប្រាស់តាមអ៊ីនធឺណិត ដោយសម្របសម្រួលជាមួយ ប៉ូលីសដើម្បីចាត់វិធានការ និងជាមួយធនាគារដើម្បីបង្កកគណនីដែលសង្ស័យថា មានអ្នកបោកប្រាស់។
លោក Wetang Phuangsup លេខារងអចិន្ត្រៃយ៍នៃក្រសួងសេដ្ឋកិច្ច និងសង្គមឌីជីថល បាននិយាយថា ខ្សែទូរស័ព្ទទាន់ហេតុការណ៍លេខ ១៤៤១ របស់មជ្ឈមណ្ឌលប្រតិបត្តិការ ប្រឆាំងការឆបោកតាមអ៊ីនធឺណិត ពេញចិត្តនឹងការឆ្លើយតបជាសាធារណៈ និងការសម្របសម្រួលជាលទ្ធផល ជាមួយធនាគារដើម្បីបង្កកគណនីធនាគារចំនួន 680 ក្នុងរយៈពេលមួយម៉ោងបន្ទាប់ពីការហៅទូរស័ព្ទនីមួយៗ។
យោងតាមលោក Wetang ប្រតិបត្តិការរបស់ AOC ក្នុងអំឡុងពេលប្រាំមួយថ្ងៃដំបូង, AOC ត្រូវបានបង្កើតឡើងដោយមានគោលដៅ ដើម្បីជួយជនរងគ្រោះទទួលបានប្រាក់ របស់ពួកគេមកវិញឱ្យបាន ឆាប់តាមដែលអាចធ្វើបាន ដោយប្រើបច្ចេកវិទ្យាឌីជីថល ដើម្បីរួមបញ្ចូលប្រតិបត្តិការ របស់ភ្នាក់ងារទាំងអស់ដែលពាក់ព័ន្ធ។
ជាមួយគ្នានេះ លោក Prasert Chantharauangthong រដ្ឋមន្ត្រីក្រសួងសេដ្ឋកិច្ច និងសង្គមឌីជីថល បាននិយាយថា លោកបានទទួលដំណឹងថា ចំនួននៃការហៅទូរស័ព្ទទៅកាន់ AOC បានហក់ឡើងនៅថ្ងៃទី ២ និងទី ៣ ដែលធ្វើឱ្យអ្នកហៅទូរស័ព្ទត្រូវរង់ចាំយូរពេក ដោយអ្នកហៅចូលច្រើនត្រូវដាក់ឱ្យនៅរង់ចាំ។
លោក Prasert បាននិយាយថា លោកបានណែនាំមជ្ឈមណ្ឌលឱ្យដោះស្រាយបញ្ហា និងកាត់បន្ថយពេលវេលារង់ចាំ។ លោក Prasert ក៏បានថ្លែងអំណរគុណដល់ប៉ូលីសភូមិន្ទថៃ ធនាគារថៃ និងសមាគមធនាគាថៃ ដែលបានសហការមជ្ឈមណ្ឌល ដើម្បីដោះស្រាយបញ្ហាជូនជនរងគ្រោះយ៉ាងឆាប់រហ័ស ៕
ប្រែសម្រួលៈ ណៃ តុលា
