ហាណូយ៖ វៀតណាម បានកំណត់គោលដៅបង្កើនកំណើនផលិតភាពការងារជាមធ្យម ៦,៥ ភាគរយក្នុងមួយឆ្នាំនៅឆ្នាំ២០៣០ យោងតាមកម្មវិធីជាតិដែលទើបអនុម័តថ្មី ស្តីពីការលើកកម្ពស់ផលិតភាពការងារ។
ទីភ្នាក់ងារសារព័ត៌មានវៀតណាម បានរាយការណ៍នៅថ្ងៃព្រហស្បតិ៍នេះថា កំណើនផលិតភាពការងារជាមធ្យមនៃឧស្សាហកម្មកែច្នៃ និងផលិតកម្មត្រូវបានកំណត់នៅ ៦,៥ ទៅ ៧ ភាគរយ កសិ-ព្រៃឈើ-នេសាទ ៧ ទៅ ៧,៥ភាគរយ និងវិស័យសេវាកម្ម ៧ ទៅ ៧,៥ភាគរយ។
តំបន់សេដ្ឋកិច្ចសំខាន់ៗ និងទីក្រុងដែលគ្រប់គ្រងដោយកណ្តាលចំនួន ៥ មើលទៅមានអត្រាកំណើនផលិតភាពការងារខ្ពស់ជាងមធ្យមភាគជាតិនៅក្នុងរយៈពេល ២០២២-២០៣០ នេះបើយោងតាមកម្មវិធី។
វៀតណាមក៏ខិតខំក្លាយជាប្រទេសឈានមុខគេក្នុងចំណោមប្រទេសអាស៊ានចំនួន៣ (សមាគមប្រជាជាតិអាស៊ីអាគ្នេយ៍) ក្នុងកំណើនផលិតភាពការងារត្រឹមឆ្នាំ២០៣០ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
គួរបញ្ជាក់ថា ផលិតភាពជាមធ្យមបានកើនឡើង ៤,៦៥ភាគរយក្នុងឆ្នាំ២០២១-២០២២ ដែលទាបជាងគោលដៅដែលបានកំណត់ ៦,៥ភាគរយក្នុងអត្រាកំណើនប្រចាំឆ្នាំ៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)