ប៉េកាំង៖ បេសកជនចិន បានអំពាវនាវឱ្យមានកិច្ចខិតខំប្រឹងប្រែងកាន់តែខ្លាំង ដើម្បីគាំទ្រដល់ការបង្កើតតំបន់ គ្មានអាវុធនុយក្លេអ៊ែរ នៅមជ្ឈិមបូព៌ា នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
លោក Geng Shuang តំណាងអចិន្ត្រៃយ៍រងរបស់ចិន ប្រចាំអង្គការសហប្រជាជាតិ បានឲ្យដឹងថា ប្រទេសនានានៅមជ្ឈិមបូព៌ា និងការជំរុញដំណើរការសន្តិភាពមជ្ឈិមបូព៌ាថា “ដោយមើលឃើញពីបរិបទបច្ចុប្បន្ន សហគមន៍អន្តរជាតិ គួរតែខិតខំប្រឹងប្រែងបន្ថែមទៀត ដើម្បីគាំទ្រដល់ការបង្កើតតំបន់មជ្ឈិមបូព៌ា ដែលគ្មានអាវុធនុយក្លេអ៊ែរ និងអាវុធប្រល័យលោកផ្សេងទៀត (WMDs) ដែលជារឿងបន្ទាន់ និងភាពពាក់ព័ន្ធក្នុងការសម្របសម្រួលការផ្សះផ្សា និងកិច្ចសហប្រតិបត្តិការក្នុងចំណោមតំបន់។
ថ្លែងនៅក្នុងសម័យប្រជុំលើកទី៤ នៃសន្និសីទស្តីពីការបង្កើតតំបន់មជ្ឈិមបូព៌ាគ្មានអាវុធនុយក្លេអ៊ែរ និងអាវុធបំផ្លិចបំផ្លាញដ៏ទៃទៀត លោក Geng បានលើកឡើងថា អាវុធនុយក្លេអ៊ែរ និង WMDs ផ្សេងទៀតគឺជា “កត្តាចម្បងដែលបណ្តាលឱ្យមានឱនភាពការជឿទុកចិត្តនៅមជ្ឈិមបូព៌ា បំផ្លាញសន្តិភាព និងស្ថិរភាពក្នុងតំបន់”។
លោកបន្ដថា “ចិនគាំទ្រការបង្កើត តំបន់មជ្ឈិមបូព៌ា ដែលគ្មានអាវុធនុយក្លេអ៊ែរ និង WMDs ផ្សេងទៀត ហើយជឿជាក់ថា វិធានការនេះនឹងជួយទប់ស្កាត់ ការរីកសាយភាយនៃ WMDs ការពារសិទ្ធិអំណាច និងប្រសិទ្ធភាព នៃរបបមិនរីកសាយភាយ អន្តរជាតិ និងកាត់បន្ថយហានិភ័យនៃអាវុធ ជាតិសាសន៍ និងជម្លោះ ដោយហេតុនេះផ្តល់នូវយន្តការដ៏សំខាន់មួយ សម្រាប់ការថែរក្សាសន្តិភាព និងសន្តិសុខក្នុងតំបន់រយៈពេលវែង”។
លោក Geng បានគូសបញ្ជាក់ថា ប្រទេសចិន មានការព្រួយបារម្ភ ចំពោះការរំលោភបំពានជាក់ស្តែង នៃបទដ្ឋានជាមូលដ្ឋាន ដែលគ្រប់គ្រងទំនាក់ទំនងអន្តរជាតិ។
លោកបានបន្ថែមថា “វាឈឺចាប់ណាស់ ក្នុងការឃើញការស្លាប់ របស់ជនស៊ីវិល ដ៏ធំទាំងសងខាង ហើយវាពិតជាឈឺចាប់ណាស់ក្នុងការឃើញពីវិបត្តិមនុស្សធម៌កាន់តែអាក្រក់នៅក្នុងតំបន់ហ្គាហ្សាស្ទ្រីប។ អំពើហឹង្សាមិនអាចនាំមកនូវ សន្តិសុខពិតប្រាកដបាននោះទេ ហើយការប្រើប្រាស់កម្លាំង នឹងមិនបង្កើតសន្តិភាព យូរអង្វែងដែរ” ។
លោកឯកអគ្គរដ្ឋទូត បានសង្កត់ធ្ងន់ថា សន្តិភាព និងសន្តិសុខនៅមជ្ឈិមបូព៌ា “មិនគ្រាន់តែផលប្រយោជន៍របស់រដ្ឋក្នុងតំបន់ប៉ុណ្ណោះទេ ប៉ុន្តែថែមទាំងស្ថិរភាពពិភពលោកផងដែរ”។
ដើម្បីឆ្លើយតបទៅនឹងបញ្ហាសន្តិសុខពិភពលោក និងក្នុងតំបន់បច្ចុប្បន្ន ប្រទេសចិន បានអះអាងថា សហគមន៍អន្តរជាតិគួរតែប្រកាន់ខ្ជាប់នូវគោលគំនិតនៃសន្តិសុខរួម ទូលំទូលាយ សហប្រតិបត្តិការ និងនិរន្តរភាព ទទូចលើការកសាងស្ថាបត្យកម្មសន្តិសុខអន្តរជាតិប្រកបដោយតុល្យភាព ប្រសិទ្ធភាព និងនិរន្តរភាព ហើយប្រកាន់ខ្ជាប់ ទៅកាន់ផ្លូវថ្មីមួយទៅកាន់សន្តិសុខ ដែលបង្ហាញពីការសន្ទនាលើការប្រឈមមុខដាក់គ្នា ភាពជាដៃគូលើសម្ព័ន្ធភាព និងឈ្នះ-ឈ្នះ លើផលបូកសូន្យ”៕
ប្រែសម្រួល ឈូក បូរ៉ា
