យប់ថ្ងៃទី ១៥ ខែវិច្ឆិកា តាមម៉ោងក្នុងតំបន់ លោក Xi Jinping ប្រធានរដ្ឋចិនបានអញ្ជើញ ចូលរួមពិធីបដិសណ្ឋារកិច្ច ដែលរៀបចំដោយសមាគមមិត្តភាព អាមេរិក និងបានអញ្ជើញថ្លែងសុន្ទរកថា ។
លោកបានលើកឡើងថា ការរួមរស់ដោយសន្តិសហវិជ្ជមាន ជាក្រមមូលដ្ឋាននៃទំនាក់ទំនងអន្តរជាតិ រឹតតែជាខ្សែបន្ទាត់ក្រហម ដែលប្រទេសធំទាំងពីរចិន និងអាមររិក មិនត្រូវរំលោភបំពានឡើហយ ។ ការចាត់ទុកប្រទេសចិន ដែលប្រកាន់ខ្ជាប់ការអភិវឌ្ឍ ដោយសន្តិភាព ជាការគំរាមកំហែង កាងលេងល្បែង ផលបូកសូន្យ ដែលឯងចាញ់ខ្ញុំឈ្នះ ឯងចម្រុងចម្រើនខ្ញុំថមថយ គឺជាការដើរខុស ពីទិសដៅត្រឹមត្រូវ ។ ការគោរពគ្នាជាសីលធម៌ ជាមូលដ្ឋាន នៃការប្រាស្រ័យ ទាក់ទងគ្នា រវាងមនុស្សនិងមនុស្ស ហើយក៏ជាក្រមមូលដ្ឋាន នៃការរួមរស់រវាងប្រទេសចិន និងអាមេរិកដែរ ។ អាមេរិក មានប្រវត្តិសាស្ត្រនិង វប្បធម៌ និងទីតាំងភូមិសាស្ត្រដ៏ពិសេស ដែលបានបង្កើតមាគ៌ា អភិវឌ្ឍន៍ និងរបបសង្គមរបស់ខ្លួន យើងគោរពយ៉ាងពេញ លេញចំពោះរឿងនេះ ។ ចំណែកមាគ៌ាសង្គមនិយម ដែលប្រកបដោយលក្ខណៈពិសេសចិន គឺកើតចេញពីការណែនាំ នៃទ្រឹស្តីសង្គមនិយមបែបវិទ្យាសាស្រ្ត ដែលចាក់ឫសក្នុងអរិយធម៌ចិនជាង ៥០០០ ឆ្នាំមកហើយ យើងមានមោទនភាពដូចគ្នា។ មាគ៌ាទាំងពីរខុសគ្នា ប៉ុន្តែសុទ្ធតែជាជម្រើសរបស់ប្រជាជន សុទ្ធតែតំណាងឱ្យគុណតម្លៃរួមរបស់មនុស្សជាតិ ហេតុនេះសុទ្ធតែត្រូវទទួលបានការគោរព ។
![](https://dap-news.com/wp-content/uploads/2023/11/photo_2023-11-16_18-03-33.jpg)
លោក Xi Jinping បានថ្លែងថា ទំនាក់ទំនងចិន-អាមេរិក ក្តីសង្ឃឹមស្ថិតនៅលើសង្គមស៊ីវិល ចាក់ឬសក្នុងសង្គមស៊ីវិល អនាគតស្ថិតនៅលើយុវវ័យ ភាពរស់រវើកស្ថិតក្នុងតំបន់មូលដ្ឋាន ។ ខ្ញុំសូមស្វាគមន៍ អភិបាលរដ្ឋ សមាជិកសភាអាមេរិកកាន់តែច្រើនទៅទស្សនាប្រទេសចិន ក៏ស្វាគមន៍ឥស្សរជន គ្រប់មជ្ឈដ្ឋានអាមេរិក ទៅទស្សនា ប្រទេសចិនផងដែរ ។ ថ្ងៃនេះខ្ញុំនិងលោកប្រធានាធិបតី Biden បានឈានដល់មតិឯកភាពរួមសំខាន់ៗ ប្រទេសទាំង ពីរនឹង អនុវត្តវិធានការកាន់តែច្រើនឡើងៗ ដើម្បីផ្តល់ភាពងាយស្រួល ដល់ការផ្លាស់ប្តូរ រវាងមនុស្សនិង វប្បធម៌មនុស្សធម៌ ដែលបូករួម ទាំងបង្កើនជើង យន្តហោះដឹកអ្នកដំណើរហើរត្រង់រវាងចិននិងអាមេរិក, ការរៀបចំកិច្ចជំនួបជាន់ខ្ពស់ខាងវិស័យទេសចរណ៍ចិន-អាមេរិក , ការសម្រួលបែបបទស្នើសុំទិដ្ឋាការជាដើម ។ យើងរំពឹងថាប្រជាជនប្រទេសទាំងពីរ ទៅមករកគ្នា ទាក់ទងគ្នានិងផ្លាស់ប្តូរគ្នាកាន់តែញឹកញាប់ ដើម្បីរួមគ្នាបន្ត រឿងរ៉ាវមេត្រីភាព ប្រទេសទាំងពីរក្នុងយុគសម័យថ្មី! នៅទីនេះខ្ញុំសូមប្រកាសថា ដើម្បីពង្រីកការផ្លាស់ប្តូរ រវាងប្រជាជននិង ប្រជាជនចិន និងអាមេរិក ពិសេសយុវជន និងក្មេងជំទង់ នៅ៥ ឆ្នាំខាងមុខនេះ ភាគីចិនមានឆន្ទៈអញ្ជើញយុវវ័យអាមេរិកចំនួន ៥ ម៉ឺនរូបមកផ្លាស់ប្តូរនិង សិក្សារៀនសូត្រនៅប្រទេសចិន ៕ អត្ថបទ និងរូបភាពដោយវិទ្យុមិត្តភាពកម្ពុជាចិន
![](https://dap-news.com/wp-content/uploads/2023/11/photo_2023-11-16_18-03-42.jpg)
![](https://dap-news.com/wp-content/uploads/2020/08/1-1.png)