ក្រុងហ្សេរុយសាឡឹម៖ អ៊ីស្រាអែលនៅថ្ងៃព្រហស្បតិ៍បានច្រានចោលការអំពាវនាវរបស់ក្រុមប្រឹក្សាសន្តិសុខអង្គការសហប្រជាជាតិ (UN) ឱ្យបន្តផ្អាកមនុស្សធម៌ក្នុងជម្លោះអ៊ីស្រាអែល និងក្រុមហាម៉ាស។
អ្នកនាំពាក្យក្រសួងការបរទេសអ៊ីស្រាអែល លោក Lior Haiat បានឲ្យដឹងនៅក្នុងសេចក្តីថ្លែងការណ៍មួយថា “ការជំរុញផ្នែកមនុស្សធម៌បន្ថែម គឺមិនអាចដោះស្រាយបាននោះទេ ដរាបណាអ្នកចាប់ពង្រត់ចំនួន ២៣៩នាក់នៅតែស្ថិតក្នុងដៃក្រុមហាម៉ាស” ។
ខ្លួនបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ “ថ្កោលទោសយ៉ាងដាច់អហង្ការ” ចំពោះការវាយប្រហារដ៏គួរឱ្យភ្ញាក់ផ្អើលរបស់ខ្លួនកាលពីថ្ងៃទី០៧ ខែតុលា ទៅលើសហគមន៍អ៊ីស្រាអែល ដែលបានសម្លាប់មនុស្សប្រហែល ១២០០ នាក់ ដែលភាគច្រើនជាជនស៊ីវិល។
ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធបានអនុម័តដំណោះស្រាយមួយដោយអំពាវនាវឱ្យមាន “ការជំរុញផ្នែកមនុស្សធម៌ជាបន្ទាន់ និងពង្រីកច្រករបៀងនៅទូទាំងតំបន់ហ្គាហ្សាស្ទ្រីប” ដើម្បីអនុញ្ញាតឱ្យជំនួយដែលត្រូវការជាបន្ទាន់ ដើម្បីទៅដល់ជនស៊ីវិលនៅក្នុងក្របខណ្ឌប៉ាឡេស្ទីនដែលត្រូវបានឡោមព័ទ្ធ។
យ៉ាងហោចណាស់មនុស្ស ១១៥០០នាក់ត្រូវបានសម្លាប់ដោយការវាយប្រហាររបស់អ៊ីស្រាអែលនៅក្នុងតំបន់ហ្គាហ្សា រួមទាំងកុមារចំនួន ៤៧១០ នាក់ និងស្ត្រីចំនួន ៣០០៣ នាក់ ខណៈដែលជាង ២៩០០០នាក់ផ្សេងទៀតបានរងរបួស នេះបើយោងតាមការិយាល័យប្រព័ន្ធផ្សព្វផ្សាយរដ្ឋាភិបាលនៅទីក្រុងហ្គាហ្សា៕ ប្រែសម្រួល ឈូក បូរ៉ា
