បរទេស៖ យន្តហោះមួយគ្រឿង របស់កងទ័ពជើងទឹកអាមេរិក បានរត់ហួសផ្លូវរត់ ហើយបានធ្លាក់ចូលឈូងសមុទ្រ ក្នុងរដ្ឋហាវ៉ៃកាលពីថ្ងៃចន្ទ ប៉ុន្តែអាជ្ញាធរបាននិយាយថា មនុស្សទាំង៩នាក់នៅលើនោះ មានសុវត្ថិភាពដោយគ្មានរបួសនោះទេ។
យោងតាមសារព័ត៌មាន VOA ចេញផ្សាយនៅថ្ងៃទី២១ ខែវិច្ឆិកា ឆ្នាំ២០២៣ បានឱ្យដឹងថា អ្នកនាំពាក្យគឺលោក Ryan Fisher បាននិយាយថា ឆ្មាំឆ្នេរសមុទ្របានឆ្លើយតប ប៉ុន្តែប្រតិបត្តិការជួយសង្គ្រោះ ត្រូវបានបិទយ៉ាងឆាប់រហ័ស។ លោកបានថ្លែងថា៖ «វាស្តាប់ទៅហាក់ដូចជាភាគីពាក់ព័ន្ធ ទាំងអស់ត្រូវបានជួយសង្គ្រោះ។
អ្នកនាំពាក្យកងម៉ារីនអាមេរិក លោក Orlando Perez បាននិយាយថា យន្តហោះ P-8A បានបើកហួសផ្លូវរត់នៅឯមូលដ្ឋាន ទ័ពម៉ារីននៅឈូងសមុទ្រ Kaneohe ប៉ុន្តែលោកមិនបានផ្តល់ព័ត៌មានបន្ថែមនោះទេ។
រូបថតដែលថតដោយសាក្សីបានបង្ហាញ ពីយន្តហោះអណ្តែតនៅឆ្នេរសមុទ្រ ដែលជាទិដ្ឋភាពមួយដែលនឹកឃើញដល់ឆ្នាំ ២០០៩ “Miracle on the Hudson” នៅពេលដែលយន្តហោះពាណិជ្ជកម្ម Chesley “Sully” Sullenberger បានចុះចតជាបន្ទាន់នៅទន្លេញូវយ៉ក។ មនុស្ស ១៥៥ នាក់នៅលើយន្តហោះបានរួចជីវិត។
យន្តហោះ P-8A និង Airbus A320 ដែល Sullenberger មានទំហំប្រហាក់ប្រហែលគ្នា ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
