បរទេស៖ យោងតាមការចេញផ្សាយរបស់ RT លោក Elon Musk បាននិយាយកាលពីថ្ងៃចន្ទបន្ទាប់ពី បានជួបជាមួយថ្នាក់ដឹកនាំប្រទេស នៅក្រុងយេរូសាឡឹមខាងលិចថា អ៊ីស្រាអែលគ្មានជម្រើសអ្វីក្រៅពី ប្រតិបត្តិការបំផ្លាញក្រុមហាម៉ាសឡើយ។
ប្រធានក្រុមហ៊ុន X ដែលជាអតីត Twitter បានធ្វើដំណើរទៅកាន់មជ្ឈិមបូព៌ា បន្ទាប់ពីអ្នករិះគន់នៅសហរដ្ឋអាមេរិក បានចោទប្រកាន់គាត់ពីបទប្រឆាំងពួកយូដា។
នាយករដ្ឋមន្ត្រី Benjamin Netanyahu បានធ្វើដំណើរស្វាគមន៍និងអមដំណើរលោក Musk ទៅទស្សនា Kfar Aza ដែលជាតំបន់ kibbutz នៅភាគខាងត្បូងអ៊ីស្រាអែល ដែលបានទទួលរងការវាយប្រហារ ដោយក្រុមហាម៉ាសក្នុងអំឡុងពេល ការលុកលុយថ្ងៃទី៧ ខែតុលា ហើយបានបង្ហាញអ្នកទស្សនា នូវខ្សែភាពយន្តរយៈពេល ៤៤នាទី ដែលអ៊ីស្រាអែលបានរួមគ្នាដើម្បីបង្ហាញពី អំពើឃោរឃៅរបស់ក្រុមប៉ាឡេស្ទីន។
បន្ទាប់ពីដំណើរទស្សនកិច្ចនេះ លោក Netanyahu បានរៀបចំកម្មវិធីជាសម្លេងនៅលើ X ផងដែរដែលក្នុងនោះគាត់បាននិយាយជាមួយ Musk អំពីអ្វីដែលរដ្ឋាភិបាលអ៊ីស្រាអែលកំពុងធ្វើ ហើយបានពណ៌នាក្រុមហាម៉ាសថាជា ដែលកំពុងលាក់ខ្លួននៅពីក្រោយ ជនស៊ីវិលនៅតំបន់ហ្គាហ្សា។
គួរឲ្យដឹងដែរថាក្នុងអំឡុងពេលនៃការចាក់ផ្សាយ លោក Musk បានយល់ស្របនឹងអំណះអំណាងភាគច្រើនរបស់ Netanyahu ៕
ប្រែសម្រួល៖ ស៊ុន លី
