តូក្យូ៖ ឯកអគ្គរដ្ឋទូតសហរដ្ឋអាមេរិក ប្រចាំប្រទេសជប៉ុនលោក Rahm Emanuel បានសម្តែងទំនុកចិត្តថា ភាពជាដៃគូត្រីភាគីរវាងសហរដ្ឋអាមេរិក ជប៉ុន និងកូរ៉េខាងត្បូង នឹងមាន “និរន្តរភាព” ដោយសារតែផលប្រយោជន៍រួម រវាងប្រទេសទាំងបី។
ផ្ទុយទៅវិញ ចិន កូរ៉េខាងជើង និងរុស្ស៊ី មិនអាចបង្កើតទំនាក់ទំនងស្រដៀងគ្នានេះបាននោះទេ ដោយសារ “ពួកគេមិនចែករំលែកផលប្រយោជន៍ ជាយុទ្ធសាស្រ្តក្នុងវិធីសហការ និងកិច្ចសហប្រតិបត្តិការដូចគ្នាដែលយើងធ្វើ” នេះបើតាមលោក Emanuel បានប្រាប់ Kyodo News និងប្រព័ន្ធផ្សព្វផ្សាយផ្សេងទៀតនៅទីក្រុងតូក្យូ។
លោកឯកអគ្គរដ្ឋទូតក៏បានសម្តែង ការព្រួយបារម្ភផងដែរថាលទ្ធផល នៃការប្រកួតប្រជែងប្រធានាធិបតីអាមេរិក ក្នុងខែវិច្ឆិកាឆ្នាំក្រោយ និងការបោះឆ្នោតនៅក្នុងសម្ព័ន្ធមិត្តសំខាន់ ពីររបស់អាមេរិកនៅអាស៊ី នឹងប៉ះពាល់ដល់កិច្ចសហប្រតិបត្តិការ ត្រីភាគីដោយនិយាយថា “ផលប្រយោជន៍រួម គឺមានឥទ្ធិពលខ្លាំងណាស់” ។
ការបោះឆ្នោតប្រធានាធិបតីសហរដ្ឋអាមេរិក អាចក្លាយជាការប្រកួតឡើងវិញ របស់គណបក្សប្រជាធិបតេយ្យលោក ចូ បៃដិន និងអតីតប្រធានាធិបតីលោក ដូណាល់ ត្រាំ ដែលជាគណបក្សសាធារណរដ្ឋ ដែលបន្តគោលនយោបាយឯកតោភាគីនិយម “America First” របស់លោក ហើយបានគាបសង្កត់សម្ព័ន្ធមិត្ត នៅអាស៊ីឱ្យចំណាយលើការចំណាយបន្ថែមទៀត ដែលទាក់ទងនឹងការធ្វើម្ចាស់ផ្ទះ កងទ័ពអាមេរិកនៅក្នុងប្រទេសរបស់ពួកគេ។
ប្រទេសកូរ៉េខាងត្បូង គ្រោងនឹងរៀបចំការ បោះឆ្នោតសកលនៅខែមេសា។ ប្រទេសជប៉ុនក៏អាចមានការបោះឆ្នោត សកលនៅដើមឆ្នាំក្រោយ ប្រសិនបើនាយករដ្ឋមន្ត្រីលោក ហ្វូមីអូ គីស៊ីដា សម្រេចចិត្តហៅការបោះឆ្នោតមួយ។
ខណៈពេលដែលទំនាក់ទំនង ត្រីភាគីត្រូវបានគ្របដណ្ដប់ដោយបញ្ហា ប្រវត្តិសាស្ត្ររវាងប្រទេសជប៉ុន និងកូរ៉េខាងត្បូង លោក Emmanuel បានកោតសរសើរ ចំពោះវឌ្ឍនភាពដែលធ្វើឡើងដោយ ប្រទេសជិតខាងអាស៊ីទាំងពីរ តាមរយៈការសន្ទនាដោយផ្ទាល់ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
