យូអិន ៖ អ្នកនាំពាក្យអង្គការ សហប្រជាជាតិ បានបដិសេធការអះអាង របស់សហរដ្ឋអាមេរិក ដែលថាជនស៊ីវិលនៅតំបន់ហ្គាហ្សា គួរតែស្វែងរកការជ្រកកោន នៅកន្លែងសុវត្ថិភាព ដែលកំណត់ ដោយអង្គការសហប្រជាជាតិ ។
ជាការឆ្លើយតបទៅ នឹងការលើកឡើង របស់អ្នកនាំពាក្យ ក្រសួងការបរទេស អាមេរិក លោក Matthew Miller កាលពីថ្ងៃចន្ទថា ពលរដ្ឋហ្គាហ្សា គួរតែស្វែងរកកន្លែង ជ្រកកោននៅក្នុងទីតាំង ដែលកំណត់ ដោយអង្គការសហប្រជាជាតិ ដែលត្រូវបានចុះបញ្ជីដោយ អ៊ីស្រាអែលថាជា “តំបន់ជម្លោះ” លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិលោក Antonio Guterres បានឲ្យដឹងថា មិនមានបែបនោះទេ ដោយបញ្ជាក់ថា អ្វីៗគឺនៅតំបន់ហ្គាហ្សា ។
លោក Dujarric បានលើកឡើងថា “មែនហើយ ចូរឱ្យច្បាស់។ មិនមានតំបន់សុវត្ថិភាព ដែលកំណត់ដោយអង្គការសហប្រជាជាតិ នៅក្នុងហ្គាហ្សានោះទេ។ ខ្ញុំគិតថា សហសេវិកជាន់ខ្ពស់ របស់ខ្ញុំទាំងអស់បានច្បាស់លាស់ណាស់ រួមទាំងអគ្គលេខាធិការផងដែរ ដោយនិយាយថា មិនមានកន្លែងសុវត្ថិភាព នៅក្នុងហ្គាហ្សា” ។
“មានជម្រកដែលហើរទង់ អង្គការសហប្រជាជាតិ ដែលកំពុងផ្តល់ជម្រកដល់មនុស្សរាប់ពាន់នាក់ រាប់ម៉ឺននាក់ ទាំងបុរស ស្ត្រី និងកុមារដែលកំពុងព្យាយាមរស់ និងទទួលបានអាហារ ទទួលទឹកខ្លះ។ យើងបានឃើញតាំងពីដើមឆ្នាំមកម្ល៉េះ។ ជម្លោះនេះហើយដែលកន្លែងដែលដាក់ទង់អង្គការសហប្រជាជាតិក៏មិនមានសុវត្ថិភាពដែរ»។
នៅពេលសួរថា តើប្រជាជននៅតំបន់ហ្គាហ្សាគួរទៅទីណា នៅពេលពួកគេត្រូវបានបញ្ជាឱ្យជម្លៀស លោក Miller បាននិយាយថា “ប្រជាជនគួរតែទៅកាន់ទីតាំង ដែលកំណត់ដោយអង្គការ សហប្រជាជាតិ ដែលស្ថិតនៅក្នុងបញ្ជីអ៊ីស្រាអែលជាតំបន់ជម្លោះ ដែលមិនគួរជាគោលដៅនៃយុទ្ធនាការយោធា” ។
លោកបានបន្ថែមថា “មានមនុស្សដែលកំពុងជ្រកកោនរួចហើយ។ នៅពេលដែលយុទ្ធនាការយោធាអ៊ីស្រាអែលផ្លាស់ទីទៅភាគខាងត្បូងនៃតំបន់ហ្គាហ្សា ហើយអ៊ីស្រាអែល ជម្លៀសសង្កាត់ជាក់លាក់ ឬបញ្ជាឱ្យសង្កាត់ជាក់លាក់ឱ្យជម្លៀស នោះគឺជាកន្លែងដែលមនុស្សគួរតែទៅ”៕
ប្រែសម្រួល ឈូក បូរ៉ា
