តូក្យូ៖ ក្រសួងការពារជាតិជប៉ុនបានឲ្យដឹងថា យន្តហោះទម្លាក់គ្រាប់ បែកចិន និងរុស្ស៊ី បានធ្វើការហោះហើររួមគ្នា លើដែនទឹកក្បែរប្រទេសជប៉ុន កាលពីថ្ងៃព្រហស្បតិ៍ នៅក្នុងអ្វីដែលទីក្រុងតូក្យូមើលឃើញថា ជាការបង្ហាញពីកម្លាំងច្បាស់លាស់។
ក្រសួងបានឲ្យដឹងថា យន្តហោះ H-6 របស់ចិនចំនួនពីរគ្រឿងបានចូលរួមជាមួយយន្តហោះ Tu-95 របស់រុស្ស៊ីចំនួនពីរគ្រឿងនៅលើសមុទ្រជប៉ុន ហើយបានហោះទៅកាន់សមុទ្រចិន ខាងកើត ជាមួយនឹងការកើតឡើងចុងក្រោយនេះ បានជំរុញឱ្យកងកម្លាំងស្វ័យការពារ ដែនអាកាសវាយលុកយន្តហោះចម្បាំង។
ទោះបីជាដែនអាកាសរបស់ជប៉ុន មិនត្រូវបានរំលោភក៏ដោយ វាបានបង្ហាញពីការព្រួយបារម្ភយ៉ាងខ្លាំងរបស់ខ្លួនទៅកាន់ប្រទេសចិន និងរុស្ស៊ី តាមរយៈបណ្តាញការទូត នេះបើយោង តាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
ក្រសួងការពារជាតិចិនបានឲ្យដឹងថា ចិន និងរុស្ស៊ីបានអនុវត្តការល្បាត តាមអាកាសរួមគ្នាលើដែនទឹក ដែលជាផ្នែកនៃផែនការសហប្រតិបត្តិការ ប្រចាំឆ្នាំរបស់យោធារបស់ពួកគេ។
ប្រទេសទាំងពីរនាពេលថ្មីៗនេះ បាននិងកំពុងបង្កើនកិច្ចសហប្រតិបត្តិការ យោធារបស់ពួកគេក្នុងគោលបំណងជាក់ស្តែង ដើម្បីប្រឆាំងនឹងសណ្តាប់ធ្នាប់អន្តរជាតិ ដែលដឹកនាំដោយសហរដ្ឋអាមេរិក និងប្រទេសលោកខាងលិចផ្សេងទៀត។
ថ្មីៗនេះក្នុងខែមិថុនា យន្តហោះទម្លាក់គ្រាប់បែកចិននិងរុស្ស៊ី ៤គ្រឿងបានហោះរួមគ្នាលើដែនទឹកក្បែរប្រទេសជប៉ុន។ ពេលនោះក៏មិនមានការរំលោភដែនអាកាសរបស់ជប៉ុនដែរ៕
ប្រែសម្រួល ឈូក បូរ៉ា
