ប៉េកាំង៖ អ្នកនាំពាក្យក្រសួងការពារជាតិបានឲ្យដឹងថា ប្រទេសចិន មានការមិនពេញចិត្តយ៉ាងខ្លាំង និងប្រឆាំងដាច់ខាត ចំពោះការលក់អាវុធរបស់សហរដ្ឋអាមេរិក ទៅកាន់តំបន់តៃវ៉ាន់របស់ប្រទេសចិន។
លោក Wu Qian អ្នកនាំពាក្យក្រសួងការពារជាតិ បានធ្វើការកត់សម្គាល់នេះ ជាការឆ្លើយតបទៅនឹងការប្រកាសនាពេលថ្មីៗនេះ ដោយទីភ្នាក់ងារសហប្រតិបត្តិការសន្តិសុខការពារជាតិរបស់សហរដ្ឋអាមេរិក ទាក់ទងនឹងការលក់សព្វាវុធតម្លៃ ៣០០លានដុល្លារទៅឱ្យតៃវ៉ាន់។
លោកបានលើកឡើងថា ការលក់អាវុធនេះបានបំពានយ៉ាងធ្ងន់ធ្ងរលើគោលការណ៍ចិនតែមួយ និងសេចក្តីថ្លែងការណ៍រួមចិន-អាមេរិកទាំង៣ ជាពិសេសសេចក្តីថ្លែងការណ៍ថ្ងៃទី១៧ ខែសីហា។
លោកបានបន្ថែមថា ទង្វើនេះបានធ្វើឱ្យខូចដល់អធិបតេយ្យភាព និងសន្តិសុខរបស់ប្រទេសចិនយ៉ាងធ្ងន់ធ្ងរ បង្កការគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ហើយបានបញ្ជូនសញ្ញាខុសឆ្គងដល់ក្រុមបំបែកខ្លួនដែលតស៊ូមតិ “ឯករាជ្យភាពតៃវ៉ាន់” ។
សំណួរតៃវ៉ាន់ គឺជាបញ្ហាសំខាន់បំផុត និងរសើបបំផុតនៅក្នុងបេះដូងនៃចិន-អាមេរិក។ ទំនាក់ទំនងនេះអ្នកនាំពាក្យបានកត់សម្គាល់ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបន្ថែមថា ប្រទេសចិន ជំរុញឱ្យសហរដ្ឋអាមេរិក បញ្ឈប់ការលក់អាវុធទៅឱ្យតៃវ៉ាន់ គោរពការប្តេជ្ញាចិត្តរបស់ខ្លួនមិនគាំទ្រ “ឯករាជ្យភាពរបស់តៃវ៉ាន់” និងបញ្ឈប់ការជ្រៀតជ្រែកក្នុងកិច្ចការផ្ទៃក្នុងរបស់ប្រទេសចិន៕ ប្រែសម្រួល ឈូក បូរ៉ា
