តូក្យូ៖ ក្រុមហ៊ុន Toyota Motor Corp បានឲ្យដឹងថា ខ្លួននឹងប្រមូលរថយន្តប្រហែល ១ លានគ្រឿងនៅក្នុងសហរដ្ឋអាមេរិក ដោយលើកឡើងពីបញ្ហា ដែលអាចកើតមានជាមួយនឹង ឧបករណ៍ចាប់សញ្ញា នៅលើប្រព័ន្ធពោងសុវត្ថិភាព ខាងមុខអ្នកដំណើរ។
ក្រុមហ៊ុនផលិតរថយន្តជប៉ុន បានឲ្យដឹងថា ក្រុមហ៊ុន Toyota នឹងជូនដំណឹងដល់ម្ចាស់យាន យន្តនៅពាក់កណ្តាលខែកុម្ភៈជុំវិញបញ្ហាខាងលើ នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
រថយន្តដែលត្រូវបានប្រមូលមកវិញមានរថយន្ត Toyota ចំនួន ៦ ម៉ូដែល រួមមានរថយន្ត Camry sedan និង RAV4 sport utility រថយន្តដែលមានម៉ាក Lexus ES និង RX ២០២០-២០២២ ក៏រងផលប៉ះពាល់ផងដែរ។
ក្រុមហ៊ុន Toyota បានឲ្យដឹងថា ឧបករណ៍ចាប់សញ្ញា ដែលចង់ចាប់អ្នកកាន់ កាប់នៅកៅអីអ្នកដំណើរខាងមុខ អាចមានបញ្ហាចរន្តខ្លី ដែលរារាំងពោងសុវត្ថិភាពមិនឱ្យដាក់ពង្រាយក្នុងគ្រោះថ្នាក់៕
ប្រែសម្រួល ឈូក បូរ៉ា
