គៀវ៖ ផលិតផលក្នុងស្រុកសរុប (GDP) របស់ប្រទេសអ៊ុយក្រែន ក្នុងអំឡុងខែមករា ដល់ខែវិច្ឆិកា បានកើនឡើង ៥,៥ភាគរយពីមួយឆ្នាំទៅមួយឆ្នាំ នេះបើយោងតាមតួលេខបឋម ដែលបានបង្ហាញដោយក្រសួងសេដ្ឋកិច្ចរបស់ប្រទេស។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថានៅក្នុងខែវិច្ឆិកាតែមួយ GDP របស់អ៊ុយក្រែន បានកើនឡើង ៤ភាគរយលើមូលដ្ឋានប្រចាំឆ្នាំធ្លាក់ចុះពី ១០,៥ ភាគរយនៅក្នុងខែតុលា។
រដ្ឋមន្ត្រីក្រសួងសេដ្ឋកិច្ចអ៊ុយក្រែន Yulia Svyrydenko បានឲ្យដឹងថា ការបិទព្រំដែនអ៊ុយក្រែន ដោយអ្នកដឹកជញ្ជូនប៉ូឡូញ គឺជាកត្តាអវិជ្ជមានចម្បង ដែលប៉ះពាល់ដល់កំណើនសេដ្ឋកិច្ចរបស់ប្រទេសកាលពីខែមុន។
លោក Svyrydenko ដែលជាឧបនាយករដ្ឋមន្ត្រីទីមួយរបស់ប្រទេសអ៊ុយក្រែនបានឲ្យដឹងថា ផលប៉ះពាល់នៃការបិទផ្លូវនេះត្រូវបានទូទាត់ដោយផ្នែកដោយប្រតិបត្តិការច្រករបៀងនាំចេញនៅក្នុងសមុទ្រខ្មៅ។
គួរបញ្ជាក់ថា វិស័យសេវាកម្ម រួមទាំងរដ្ឋបាលសាធារណៈ និងការពារជាតិ ក៏ដូចជាការផលិតផងដែរ បច្ចុប្បន្នបានរួមចំណែកជាវិជ្ជមានដ៏ធំបំផុតដល់កំណើន GDP របស់ប្រទេសនេះ ៕ ប្រែសម្រួល ឈូក បូរ៉ា
