បរទេស៖ យោងតាមការរាយការណ៍ របស់កាសែតរ៉យទ័រ កាលពីថ្ងៃព្រហស្បតិ៍ម្សិលមិញ បានឲ្យដឹងថា រដ្ឋាភិបាលបារាំង បានសម្រេចចិត្តបិទស្ថានទូតរបស់ខ្លួន នៅក្នុងប្រទេសនីហ្សៀយ៉ា ជាស្ថាពរនិងដោយគ្មានកំណត់ឡើយ។
យោងតាមលិខិតរបស់ស្ថានទូត ទៅកាន់បុគ្គលិករបស់ខ្លួន ដែលឃើញដោយទីភ្នាក់ងារសារព័ត៌មាន បានបញ្ជាក់ថាការរឹតបន្តឹង ដែលដាក់ដោយរដ្ឋាភិបាលយោធា មានន័យថា បេសកកម្មកាទូតរបស់បារាំង មិនអាចបំពេញភារកិច្ចការទូត របស់ខ្លួនបានទៀតទេ។
លិខិតនោះត្រូវបានចុះកាលបរិច្ឆេទ នៅថ្ងៃអង្គារ ប៉ុន្តែទើបតែត្រូវបានផ្សព្វផ្សាឡើង នៅលើបណ្ដាញសង្គមពីរថ្ងៃក្រោយមក។ យោងតាមឯកសារជាភាសាបារាំង អាជ្ញាធរនីហ្សៀបានបដិសេធសំណើ របស់ស្ថានទូត ក្នុងប្រតិបត្តិការក្រោមលក្ខខណ្ឌ ដំណើរការជាធម្មតា។
គួរឲ្យដឹងដែរថា នៅពេលដែលត្រូវបានទាក់ទង ដោយក្រុមការងាររ៉យទ័រ រដ្ឋាភិបាលបារាំងមិនបានបញ្ជាក់ ឬបដិសេធពីភាពត្រឹមត្រូវរបស់លិខិតនោះទេ ប៉ុន្តែទីក្រុងប៉ារីសបានទទួលស្គាល់ថា ស្ថានការណ៍នៅស្ថានទូតមាន ការលំបាកខ្លាំងណាស់ចាប់តាំងពីរដូវក្តៅមកម្ល៉េះ៕
ប្រែសម្រួល៖ស៊ុនលី
