វ៉ាស៊ីនតោន ៖ ខណៈដែលការវាយតម្លៃការអនុម័ត ការងាររបស់លោក ចូ បៃដិន នៅតែមានកម្រិតទាប ដោយមានរយៈពេលតិចជាង មួយឆ្នាំរហូតដល់ការបោះឆ្នោតប្រធានាធិបតី សហរដ្ឋអាមេរិកក្នុងខែវិច្ឆិកា ហើយជាមួយនឹងសង្គ្រាម ដែលកំពុងឆាបឆេះនៅអឺរ៉ុប និងមជ្ឈិមបូព៌ា ស្ទើរតែគ្មានអ្វីអំពីអនាគត នៃការគ្រប់គ្រងរបស់លោកនោះទេ ។
ការទស្សន៍ទាយពីទិដ្ឋភាពនយោបាយ របស់សហរដ្ឋអាមេរិកសម្រាប់ឆ្នាំ២០២៤ គឺដូចជាការព្យាយាម អានស្លឹកតែ ប៉ុន្តែមន្ត្រីជាន់ខ្ពស់បានស្នើថា ទិសដៅគោលនយោបាយការបរទេស របស់ទីក្រុងវ៉ាស៊ីនតោន ជាពិសេសចំពោះអាស៊ី នឹងមិនផ្លាស់ប្តូរខ្លាំង មុនការបោះឆ្នោតនោះទេ។
លោក បៃដិន និងជំនួយការរបស់លោក ក៏ដូចជាអ្នកជំនាញខាង គោលនយោបាយការបរទេស ភាគច្រើនយល់ស្របថា ការប្រកួតប្រជែងជាយុទ្ធសាស្រ្ត របស់ប្រទេសជាមួយ ប្រទេសចិន នឹងបន្តឈានទៅដល់ដំណាក់ កាលកណ្តាល ខណៈដែលតំបន់ឥណ្ឌូប៉ាស៊ីហ្វិក នឹងក្លាយជាវេទិកាលេច ធ្លោក្នុងការប្រជែង ដណ្តើមឥទ្ធិពលពិភពលោក។
ពួកគេបន្តចាត់ទុកការដោះស្រាយ ជាមួយនឹងសេចក្តីប្រាថ្នារបស់ចិន សម្រាប់សណ្តាប់ធ្នាប់ពិភពលោកថ្មីមួយថា ជាបញ្ហារយៈពេលវែងដ៏សំខាន់បំផុត ដែលកំពុងប្រឈមមុខនឹងសហរដ្ឋអាមេរិក សូម្បីតែចំពេលមានការឈ្លានពាន របស់រុស្ស៊ីលើអ៊ុយក្រែន និងសង្រ្គាមអ៊ីស្រាអែល-ហាម៉ាស ហើយការទទួលស្គាល់នេះត្រូវបានចែករំលែកយ៉ាងទូលំទូលាយដោយទាំង អ្នកប្រជាធិបតេយ្យ និងគណបក្សសាធារណរដ្ឋ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
