បរទេស៖ លោក Aleksey Tevanyan តំណាងពាណិជ្ជកម្មរបស់រុស្ស៊ី ប្រចាំនៅអាហ្វ្រិកខាងជើងបានប្រាប់ RIA Novosti ក្នុងបទសម្ភាសន៍មួយដែលបាន ចេញផ្សាយកាលពីថ្ងៃសៅរ៍ថា ពាណិជ្ជកម្មរវាងរុស្ស៊ី និងអេហ្ស៊ីបនឹងកើនឡើងដល់ ៧ពាន់លានដុល្លារនៅចុងឆ្នាំនេះ។
យោងតាមការបញ្ជាក់បន្ថែមដោយលោក Tevanyanបានឲ្យដឹងថា ការកើនឡើងនេះគឺ ដោយសារតែផ្នែកធំនៃការកើនឡើង ការនាំចេញទៅកាន់ប្រទេសអេហ្ស៊ីប។ មន្ត្រីរូបនេះបានបន្ថែមថា និន្នាការទំនងជានឹងបន្ត នៅឆ្នាំក្រោយក៏ដោយសារតែ សក្ដានុពលវិជ្ជមានក្នុងពាណិជ្ជកម្មទៅវិញទៅ មកបានបន្តទាំងនៅក្នុងឆ្នាំ២០២៣ និងនៅចុងឆ្នាំនេះ ហើយរំពឹងថាចំណូលពាណិជ្ជកម្ម នឹងកើនឡើងបន្តទៀត។
គួរឲ្យដឹងដែរថានៅក្នុងឆ្នាំ២០២២ ទំហំពាណិជ្ជកម្មរវាងទីក្រុងមូស្គូ និងទីក្រុងគែរបានកើនឡើង ៣០ភាគរយ ពីមួយឆ្នាំទៅមួយឆ្នាំដល់ជាង ៦ពាន់លានដុល្លារ។
លោក Tevanyan ក៏បានកត់សម្គាល់ដែរថា ជាមួយនឹងកិច្ចសហប្រតិបត្តិការសេដ្ឋកិច្ចរីកចម្រើន ក្រុមហ៊ុនអេហ្ស៊ីបកាន់ តែមានចិត្តចង់ផ្លាស់ប្តូរពីលោកខាងលិច ទៅជារូបិយប័ណ្ណជាតិក្នុងប្រតិបត្តិការ ពាណិជ្ជកម្មជាមួយទីក្រុងមូស្គូ ៕
ប្រែសម្រួល៖ ស៊ុន លី
