តូក្យូ៖ តៃវ៉ាន់ បានសន្យាថានឹងបរិច្ចាគ ៦០លានយ៉េន (៤១៨,៨០០ដុល្លារ) ដល់ប្រទេសជប៉ុនដើម្បីជួយសង្គ្រោះគ្រោះមហន្តរាយរបស់ខ្លួនបន្ទាប់ពីការរញ្ជួយដីដ៏ខ្លាំងមួយបានវាយប្រហារឧបទ្វីបណូតូ ភាគកណ្តាលរបស់ប្រទេសជប៉ុន និងតំបន់ជុំវិញកាលពីអំឡុងថ្ងៃបុណ្យចូលឆ្នាំថ្មី។
រដ្ឋមន្រ្តីការបរទេសតៃវ៉ាន់ លោក Joseph Wu បានឲ្យដឹងថា បន្ថែមពីលើជំនួយនេះ ក្រសួងសុខភាព និងសុខុមាលភាពរបស់កោះ ដែលគ្រប់គ្រងដោយខ្លួនឯងបានបង្កើតយុទ្ធនាការរៃអង្គាសប្រាក់ ដែលស្នើឱ្យប្រជាជនតៃវ៉ាន់ បរិច្ចាគដើម្បីជួយដល់អ្នក ដែលរងផលប៉ះពាល់ដោយគ្រោះរញ្ជួយដីនៅកណ្តាលប្រទេសជប៉ុន។
លោក Wu បានលើកឡើងថា “តៃវ៉ាន់ និងជប៉ុនមានទំនាក់ទំនងជិតស្និទ្ធ។ ប្រទេសជប៉ុនតែងតែជាប្រទេសសំណព្វរបស់ប្រជាជនតៃវ៉ាន់” ដោយបន្ថែមថា ភាគីទាំងពីរបានធ្វើសកម្មភាពដូចជាសមាជិកគ្រួសារក្នុងរយៈពេលប៉ុន្មានឆ្នាំចុងក្រោយនេះ ដោយផ្តល់ការជួយគ្នាទៅវិញទៅមកក្នុងគ្រាខ្វះខាត។
លោកបន្ដថា បន្ថែមពីលើជំនួយនេះ ក្រសួងសុខភាព និងសុខុមាលភាពរបស់កោះដែលគ្រប់គ្រងដោយខ្លួនឯងបានបង្កើតយុទ្ធនាការរៃអង្គាសប្រាក់ដែលស្នើឱ្យប្រជាជនតៃវ៉ាន់ បរិច្ចាគដើម្បីជួយដល់អ្នកដែលរងផលប៉ះពាល់ដោយគ្រោះរញ្ជួយដីនៅកណ្តាលប្រទេសជប៉ុន។
លោក Kazuyuki Katayama ប្រធានតំណាងការិយាល័យតៃប៉ិ នៃសមាគមប្តូរប្រាក់ជប៉ុន-តៃវ៉ាន់ និងឯកអគ្គរដ្ឋទូតពិតប្រាកដរបស់ទីក្រុងតូក្យូប្រចាំដែនដី ក៏បានចូលរួមសន្និសីទសារព័ត៌មានផងដែរ៕ ប្រែសម្រួល ឈូក បូរ៉ា
