តេអេរ៉ង់៖ អ្នកនាំពាក្យក្រសួងការបរទេសអ៊ីរ៉ង់ បានថ្កោលទោសយ៉ាងខ្លាំង ចំពោះការវាយប្រហាររបស់អ៊ីស្រាអែល ទៅលើមេបញ្ជាការជាន់ខ្ពស់របស់ក្រុមហេសបូឡាហ៍ នៅភាគខាងត្បូងប្រទេសលីបង់ ដោយបានថ្កោលទោសវាជា “ប្រតិបត្តិការភេរវកម្មគួរឱ្យស្អប់ខ្ពើម” ។
លោក Nasser Kanaani បានធ្វើការកត់សម្គាល់នៅក្នុងសេចក្តីថ្លែងការណ៍មួយដោយប្រតិកម្មចំពោះការសម្លាប់លោក Wissam Hassan Tawil មេបញ្ជាការជាន់ខ្ពស់មកពីកងកម្លាំង Radwan វរជនរបស់ក្រុមហេសបូឡាហ៍ និងសមាជិកក្រុមហេសបូឡាហ៍ ម្នាក់ទៀតគឺ Adham Cherri កាលពីដើមថ្ងៃចន្ទ ដោយការវាយប្រហារដោយយន្តហោះដ្រូនរបស់អ៊ីស្រាអែល សំដៅលើរថយន្តរបស់ពួកគេ ពេលកំពុងធ្វើដំណើរ។
អ្នកនាំពាក្យបានព្រមានសហគមន៍អន្តរជាតិ និងអង្គការសហប្រជាជាតិ អំពីផលវិបាកនៃ “ការដេញថ្លៃដោយឥតលាក់លៀម និងផ្សងព្រេងរបស់អ៊ីស្រាអែល ដើម្បីពង្រីកវិសាលភាពនៃជម្លោះក្នុងតំបន់” ដោយថា “ឧក្រិដ្ឋកម្មសង្គ្រាមរបស់អ៊ីស្រាអែល ប្រឆាំងនឹងជនស៊ីវិលប៉ាឡេស្ទីន នៅតំបន់ហ្គាហ្សា និងតំបន់ វេសបែង គឺស្របគ្នានឹងការរំលោភបំពានរបស់ខ្លួន។
អ្នកនាំពាក្យរូបនេះបន្ដថា “អធិបតេយ្យភាព និងបូរណភាពទឹកដីនៃប្រទេសលីបង់ និងស៊ីរី និងការងាកទៅរកអំពើភេរវកម្មដែលមានការរៀបចំបានបង្កគ្រោះថ្នាក់ដល់សន្តិភាព និងសន្តិសុខក្នុងតំបន់ និងអន្តរជាតិ”។
លោកបានសង្កត់ធ្ងន់ថា អ៊ីស្រាអែល និងក្រុមអ្នកគាំទ្រមិនមានការសង្ស័យទេ ចំពោះលទ្ធផលនៃចលនាភេរវករ និងអ្នកផ្សងព្រេង នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ៕
ប្រែសម្រួល ឈូក បូរ៉ា
