បរទេស៖ យោងតាមការចេញផ្សាយរបស់ RT រដ្ឋមន្ត្រីការបរទេសអង់គ្លេស លោក David Cameron បានប្រាប់សភាកាលពីថ្ងៃអង្គារម្សិលមិញថា សហរដ្ឋអាមេរិក និងសម្ព័ន្ធមិត្តនឹងមិនរអាក់រអួល ក្នុងការគាំទ្ររបស់ពួកគេ ចំពោះបុព្វហេតុអ៊ុយក្រែននោះទេ ហើយរុស្ស៊ីមិនគួរពឹងផ្អែក លើការរង់ចាំពួកគេឡើយ ។
លោកCameron ដែលធ្លាប់បំពេញការងារជា នាយករដ្ឋមន្ត្រីអង់គ្លេសចន្លោះឆ្នាំ២០១០និង ២០១៦ គាត់ត្រូវបានតែងតាំងការងារនេះ កាលពីខែវិច្ឆិកាឆ្នាំមុន។
ការបង្ហាញខ្លួននៅថ្ងៃអង្គារ នៅចំពោះមុខគណៈកម្មាធិការការបរទេស គឺជាលើកដំបូងរបស់លោកចាប់តាំងពី បានត្រឡប់មកកាន់រដ្ឋាភិបាលវិញ។ ជម្លោះអ៊ុយក្រែនស្ថិតក្នុងចំណោមប្រធានបទដែលត្រូវបានលើកឡើង ក្នុងពេលសួរដេញដោលចំពោះវត្តមាន នៃការវិលត្រឡប់របស់គាត់។
លោកបានទទូចថា ការគាំទ្រអ៊ុយក្រែនគឺមិនមែន ជាបញ្ហានៃជម្លោះក្នុងនយោបាយអង់គ្លេសទេ ព្រោះវាអាចនឹងមាននៅក្នុងសហរដ្ឋអាមេរិក និងប្រទេសមួយចំនួនទៀតើយខណៈពេលដែលទីក្រុងឡុងដ៍ នឹងបន្តគាំទ្រទីក្រុងគៀវ នោះក៏មានរដ្ឋាភិបាលទីក្រុងវ៉ាស៊ីនតោន និងអ្នកផ្សេងទៀតនឹងបន្តិចម្តងៗ ក្នុងការប្តេជ្ញាចិត្តដូចគ្នាផងដែរ ៕
ប្រែសម្រួល៖ ស៊ុន លី
