បរទេស ៖ សារព័ត៌មាន Telegraph បានរាយការណ៍ថា មន្ត្រីអាមេរិកកំពុងខឹងសម្បារ ចំពោះការលេចធ្លាយ ដល់ប្រព័ន្ធផ្សព្វផ្សាយ របស់ចក្រភពអង់គ្លេស ចំពោះការសម្រេចចិត្ត របស់រដ្ឋាភិបាលអង់គ្លេស ពីការវាយប្រហារដែនអាកាស នៅក្នុងប្រទេសយេម៉ែន ។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែមករា ឆ្នាំ២០២៤ បានឱ្យដឹងថា យោងតាមអត្ថបទនេះ នាយករដ្ឋមន្ត្រីអង់គ្លេស លោក Rishi Sunak បានធ្វើការសម្រេចចិត្តឱ្យភ្លើងខៀវ លើប្រតិបត្តិការយោធា ក្នុងអំឡុងពេលកិច្ចប្រជុំគណៈរដ្ឋមន្ត្រី បន្ទាន់មួយនៅម៉ោងប្រហែល ១១ ព្រឹកម៉ោងក្នុងស្រុក កាលពីថ្ងៃព្រហស្បតិ៍។ ជាធម្មតា ការវាយប្រហារបែបនេះនឹងត្រូវប្រកាសជាផ្លូវការ ក្នុងពេល បន្ទាប់ពីយន្តហោះទម្លាក់ គ្រាប់បែកបានត្រឡប់ទៅមូលដ្ឋាន របស់ពួកគេវិញតែប៉ុណ្ណោះ។
ព័ត៌មានអំពីកិច្ចប្រជុំ និងរបៀបវារៈនៃការវាយប្រហារនេះ ត្រូវបានបែកធ្លាយភ្លាមៗទៅកាន់កាសែត The Times ដែលរាយការណ៍ថា ចក្រភពអង់គ្លេស និងសហរដ្ឋអាមេរិក នឹងចាប់ផ្តើមការវាយប្រហារ “ក្នុងរយៈពេលប៉ុន្មានម៉ោង”។
សារព័ត៌មាន Telegraph បានដកស្រង់ប្រភព ដែលមានជំហរច្បាស់លាស់ដែលនិយាយថា យោធាអាមេរិក «បង្ហាញការមិនសប្បាយចិត្ត ជាមួយសមភាគីរបស់ពួកគេ»។ កាសែតបានសរសេរបន្ថែមថា រដ្ឋាភិបាលចក្រភពអង់គ្លេសបានព្យាយាម កំណត់ពីរបៀបដែលព័ត៌មាន រសើបត្រូវបានលេចធ្លាយ។ ប្រភពបានពណ៌នាប្រតិកម្មរបស់មន្ត្រីថាជា «ការខកចិត្តខ្លាំង»។
សហរដ្ឋអាមេរិកមិន បានធ្វើអត្ថាធិប្បាយជាសាធារណៈ លើរបាយការណ៍ជុំវិញការរៀបចំវាយប្រហារពីលើអាកាសនេះ នោះទេ។ រដ្ឋមន្ត្រីការពារជាតិចក្រភពអង់គ្លេស លោក Grant Shapps បានប្រាប់ Telegraph កាលពីថ្ងៃសុក្រថា លោកមិនបានដឹងពីការខកចិត្តណា មួយរបស់ទីក្រុងវ៉ាស៊ីនតោននោះទេ ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
