នាវាចម្បាំង២គ្រឿង របស់អង់គ្លេស ប៉ះគ្នាលាន់លឺយ៉ាងកក្រើក នៅឆ្នេរសមុទ្រ ក្នុងប្រទេសបារ៉ែន

បរទេស៖ នាវារុករកមីន របស់កងនាវាចរ អង់គ្លេស២គ្រឿង បានបុកគ្នាពេលចូលចត ក្នុងប្រទេសបារ៉ែន ដោយកប៉ាល់មួយត្រូវបានថត តាមវីដេអូ ខណៈដែលវាត្រឡប់ចូលទៅក្នុងមួយទៀត។ អ្នក​នាំពាក្យ​ យោធា​អង់គ្លេស ​បាន​បញ្ជាក់​ពី​ឧប្បត្តិហេតុ​ ដ៏​អាម៉ាស់​ នេះ​ដោយ​និយាយ​ថា​ មូលហេតុ​នៃ​ឧបទ្ទវហេតុ​នេះ​កំពុង​ស្ថិត​ក្រោម​ការ​ស៊ើបអង្កេត​នៅឡើយ។

យោងតាមសារព័ត៌មាន RT ចេញផ្សាយនៅថ្ងៃទី២០ ខែមករា ឆ្នាំ២០២៤ បានឱ្យដឹងថា ហេតុការណ៍នាវាបុកគ្នានេះបានកើតឡើងកាលពីថ្ងៃព្រហស្បតិ៍ ខណៈដែលកប៉ាល់ HMS Chiddingfold ដែលជាកប៉ាល់ប្រឆាំងមីន Hunt-class បានព្យាយាមចូលចតនៅទីតាំងដែលមិនត្រូវបានបង្ហាញក្នុងរដ្ឋកោះឈូងសមុទ្រ។ ដូចដែលបានថតបាននៅក្នុងឃ្លីបដែលធ្វើឲ្យមានការជុំគ្នានៅលើអ៊ីនធឺណិតនោះ នាវា HMS Chiddingfold ត្រូវបានគេមើលឃើញថា បានប៉ះនឹងក្បាលនាវារុករកមីនថ្នាក់ Sanddown-class HMS Bangor បណ្តាលឱ្យលឺសូរយ៉ាងខ្លាំង។

ប្រភពពីយោធាដែលមិនបញ្ចេញឈ្មោះមួយរូបដែលត្រូវបានដកស្រង់ដោយកាសែត UK Defence Journal បាននិយាយថា ក្រុមមន្រ្តីនឹងត្រូវបានបញ្ជូនដើម្បីពិនិត្យមើលការខូចខាត និងបង្កើតផែនការសម្រាប់ការជួសជុល។ អ្នក​នាំ​ពាក្យ​កង​ទ័ព​ជើង​ទឹក​អង់គ្លេស ក៏​បាន​និយាយ​អំពី​ឧបទ្ទវហេតុ​នេះ​ក្នុង​សេចក្តីថ្លែងការណ៍​មួយ​ដែល​ចេញ​កាលពី​ថ្ងៃ​សុក្រផងដែរ៕

ប្រែសម្រួលៈ ណៃ តុលា

រូបភាព៖ RT News