TEL AIVV៖ ប្រភពពីទីភ្នាក់ងារ Reuters បានផ្សព្វផ្សាយនៅថ្ងៃទី២១ ខែមករា ឆ្នាំ២០២៤ថា កាលពីថ្ងៃសៅរ៍ ប្រជាជនរបស់អ៊ីស្រាអ៊ែល រាប់ពាន់នាក់ បានប្រមូលផ្តុំគ្នានៅទីក្រុង Tel Aviv ដើម្បីតវ៉ាប្រឆាំងនឹងរដ្ឋាភិបាលរបស់នាយករដ្ឋមន្ត្រី Benjamin Netanyahu ដោយចោទប្រកាន់មេដឹកនាំ ជើងចាស់រូបនេះថា បានធ្វើឱ្យខូចសន្តិសុខរបស់ប្រទេស និងអំពាវនាវឱ្យមានការបោះឆ្នោតសារជាថ្មី ។
ចំពោះការតវ៉ាប្រឆាំងនឹងរដ្ឋាភិបាលដែលបានអង្រួនប្រទេសជាច្រើនលើកនៅក្នុងឆ្នាំ២០២៣បានបញ្ឈប់ ក្រោយពីមានការវាយប្រហារដោយក្រុមហាម៉ាស់ នៅភាគខាងត្បូងនៃប្រទេសអ៊ីស្រាអ៊ែល កាលពីថ្ងៃទី៧ ខែតុលា ហើយភាពប្រេះឆាផ្នែកនយោបាយត្រូវបានគេទុកចោលនៅគ្រាដែលប្រជាជនអ៊ីស្រាអ៊ែល បានប្រមូលផ្តុំគ្នានៅពីក្រោយយោធា និងក្រុមគ្រួសាររបស់អ្នកដែលត្រូវបានសម្លាប់ ឬចាប់ធ្វើជាចំណាប់ខ្មាំង ។
ប៉ុន្តែជាមួយនឹងសង្គ្រាមបំផ្លិចបំផ្លាញនៅតំបន់ហ្គាហ្សា ចូលដល់ខែទី៤របស់ខ្លួន និងការស្ទង់មតិដែលបង្ហាញពីការគាំទ្រយឺតយ៉ាវចំពោះលោក Netanyahu ការអំពាវនាវឱ្យមានការផ្លាស់ប្តូរភាពជាអ្នកដឹកនាំកាន់តែខ្លាំងឡើងៗ ទោះបីជាមិនមានការបង្ហាញថា តំណែងរបស់គាត់ស្ថិតនៅក្រោមការគំរាមកំហែងណាមួយដែលជិតមកដល់ក៏ដោយ ។
ករណីនេះត្រូវបានឆ្លុះបញ្ចាំងនៅក្នុងការទៅបោះឆ្នោតកាលពីយប់ថ្ងៃសៅរ៍នៅភាគកណ្តាលក្រុង Tel Aviv ដែលជាការតវ៉ាជាច្រើនលើកមកហើយកាលពីឆ្នាំមុន ៕
ដោយ៖ ម៉ៅ បុប្ផាមករា
