បរទេស៖ សេចក្តីថ្លែងការណ៍ថ្មីៗ របស់សហរដ្ឋអាមេរិក ណែនាំថា ខ្លួនចាត់ទុកអ៊ុយក្រែនថា គ្មានអ្វីក្រៅពី គម្រោងអាជីវកម្មដែលរកប្រាក់ចំណូលប៉ុណ្ណោះ នេះបើយោងតាមការអះអាង ដោយដ្ឋមន្ត្រីការបរទេសរុស្ស៊ី លោក Sergey Lavrov បានប្រាប់ក្រុមប្រឹក្សាសន្តិសុខ អង្គការសហប្រជាជាតិ កាលពីថ្ងៃចន្ទ។
រដ្ឋមន្ត្រីរូបនេះ បាននិយាយសំដៅទៅលើ សេចក្តីថ្លែងការណ៍មុនៗ ដែលធ្វើឡើងដោយរដ្ឋមន្ត្រីការបរទេស សហរដ្ឋអាមេរិក លោក Antony Blinken។ កាលពីខែមុន អ្នកការទូតកំពូលរបស់សហរដ្ឋអាមេរិក បានអះអាងថា៩០ភាគរយ នៃប្រាក់ដែលបានបែងចែក សម្រាប់ជំនួយ របស់អ៊ុយក្រែន បញ្ចប់ដោយការទទួលបាន មធ្យោបាយត្រឡប់ទៅកាន់ សហរដ្ឋអាមេរិកវិញ ដើម្បីជាប្រយោជន៍ ដល់អាជីវកម្មអាមេរិក សហគមន៍មូលដ្ឋាន និងការពង្រឹងមូលដ្ឋានឧស្សាហកម្ម ការពារជាតិ របស់សហរដ្ឋអាមេរិក។
នៅក្នុងខែវិច្ឆិកា ឆ្នាំ ២០២៣កាសែត Washington Post ក៏បានរាយការណ៍ផងដែរថា មូលនិធិទាំងនេះភាគច្រើន ត្រូវបានចំណាយលើ ការផលិតអាវុធថ្មី ឬជំនួសឧបករណ៍ដែលបានបញ្ជូន ទៅអ៊ុយក្រែន ចេញពីឃ្លាំងស្តុករបស់អាមេរិក។
លោក Lavrov បានបរិហារសេចក្តីថ្លែងការណ៍ ដែលធ្វើឡើងដោយមន្ត្រីអាមេរិកថា ជារឿងមិនសមរម្យ ហើយបាននិយាយថា ទីក្រុងវ៉ាស៊ីនតោនបានកំពុងចាត់ចែងជម្លោះដែលកំពុងបន្ត មិនមែនជាសង្គ្រាម ដែលបានឆក់យកជីវិតមនុស្ស រាប់សែននាក់រួចទៅហើយ ប៉ុន្តែជាគម្រោងអាជីវកម្មដែលរកប្រាក់ចំណេញប៉ុណ្ណោះ របស់រដ្ឋាភិបាលក្រុងវ៉ាស៊ិនតោន៕
ប្រែសម្រួល៖ស៊ុនលី
