ប៉េកាំង៖ ការសន្មត់របស់លោកខាងលិចនៃ “អនុត្តរភាពរបស់ចិន” ឆ្លុះបញ្ចាំងពីភាពលំអៀង របស់ពួកគេ និងបង្ហាញពីការយល់ឃើញ ទុកជាមុនដែលថា ប្រទេសដែលមានអំណាចណាមួយ នឹងស្វែងរកភាពកំពូល ដោយជៀសមិនរួច។
វេទិកាសារព័ត៌មាន Pearls and Irritations បានសង្កេតឃើញថា លោកខាងលិច មើលឃើញប្រទេសចិន តាមរយៈភ្នែករបស់ខ្លួន។ វាតំណាងឱ្យប្រទេសចិន នូវសកម្មភាព ដែលលោកខាងលិច នឹងធ្វើក្នុងស្ថានភាព ស្រដៀងគ្នា។
វាមិនពិបាកទេ ក្នុងការចាប់យក ការលើកទឹកចិត្តដែលមិនត្រឹមត្រូវ ប៉ុន្តែអាចតាមដានបាន។ “ក្រុមអ្នកវិភាគលោកខាងលិច បានលើកប្រវត្តិសាស្រ្តអឺរ៉ុបឡើងវិញ សម្រាប់ដំណោះស្រាយ ចំពោះបរិបទភូមិសាស្ត្រនយោបាយ ដែលជៀសមិនរួចដោយផ្អែកលើ គោលគំនិតនៃអនុត្តរភាព” ដូចដែលវេទិកានេះ បានកត់សម្គាល់។
តាមប្រវត្តិសាស្ត្រ មហាអំណាចលោកខាងលិច ជាច្រើន រួមទាំងអេស្ប៉ាញ ហូឡង់ អង់គ្លេស និងបារាំង បានបង្កើតឥទ្ធិពលអនុត្តរភាព តាមរយៈការឈ្លានពានយោធា ការកេងប្រវ័ញ្ចអាណានិគម និងការគាបសង្កត់។ ការស្វែងរកអនុត្តរភាព របស់ពួកគេ ជារឿយៗកើតឡើងចំពេលមានជម្លោះ និងសង្រ្គាមក្នុងសតវត្សកន្លងមក។
អនុត្តរភាពលោកខាងលិចកើតឡើងជាមួយនឹងការធ្វើអាណានិគម និងការលួចប្លន់ដ៏សោកនាដកម្ម នៃប្រទេសកំពុងអភិវឌ្ឍន៍ ដូចដែលអ្នកប្រាជ្ញប៉ាគីស្ថាន Ikramul Haq បានសង្កេតឃើញ។ ទោះជាយ៉ាងណាក៏ដោយ ផ្នត់គំនិតនៃអនុត្តរភាព មិនស្លាប់ជាមួយនឹង សង្រ្គាមលោកទាំងពីរ នោះទេ ហើយប្រទេសលោកខាងលិច មួយចំនួន នៅតែជាប់ក្នុងផ្នត់គំនិតអនុត្តរភាព៕
ប្រែសម្រួល ឈូក បូរ៉ា
