បរទេស៖ យោងតាមការចេញផ្សាយរបស់ RT ប្រធានាធិបតីរុស្ស៊ីVladimir Putinបានអះអាងថា សព្វាវុធទំនើបៗរបស់រុស្ស៊ី មានប្រសិទ្ធភាពជាងអាវុធ ដែលប្រើដោយប្រទេសណាតូ ដែលធ្លាប់បានផ្តល់ជំនួយយោធា យ៉ាងច្រើនទៅឲ្យដល់អ៊ុយក្រែននាពេលកន្លងមក។
ថ្លែងនៅក្នុងវេទិកាអ្វីគ្រប់យ៉ាង ដើម្បីជ័យជំនះនៅទីក្រុង Tula នៅខាងក្រៅទីក្រុងមូស្គូ លោក Putin បានសរសើរតួនាទីដែលឧស្សាហកម្ម ការពារប្រទេសកំពុងលេងក្នុងជម្លោះជាមួយអ៊ុយក្រែន និងក្នុងសេដ្ឋកិច្ចជាតិ ដោយសារវាផ្តល់ការងារ សម្រាប់រាប់លាននាក់។
មេដឹកនាំរុស្ស៊ីរូបនេះបានទទួលស្គាល់ថា ខណៈពេលដែលឧបករណ៍ យោធារុស្ស៊ីមួយចំនួនដែលបានរចនា និងផលិតកាលពីអំឡុងនៃ សម័យសូវៀតជាញឹកញាប់ ប៉ុន្តែមិនមែនតែងតែមានកម្រិតទាបជាង នៅក្នុងផ្នែកខ្លះនៃសព្វាវុធរបស់អង្គការណាតូ នេះមិនមែនជាការពិតនៃសព្វាវុធទំនើប របស់រុស្ស៊ីនោះទេ។
ក្នុងនោះទៀតលោក បានបន្ថែមថា ដើម្បីឲ្យកងទ័ព ទទួលបានជោគជ័យ គួរតែមានប្រតិកម្មរហ័ស ចំពោះការអភិវឌ្ឍន៍ នៅសមរភូមិ ការបង្ក្រាបកាំភ្លើងធំ និងទ្រព្យសម្បត្តិ ឈ្លបយកការណ៍ របស់សត្រូវផងដែរ៕
ប្រែសម្រួល៖ ស៊ុន លី
