ហ្គាហ្សា៖ នៅថ្ងៃអង្គារ អ៊ីស្រាអ៊ែល បានធ្វើការវាយប្រហារតាមផ្លូវអាកាស ទៅលើផ្ទះល្វែងមួយកន្លែង នៅភាគខាងត្បូង នៃតំបន់ហ្គាហ្សា ដោយបានសម្លាប់មនុស្ស ចំនួន៦នាក់ មន្ត្រីសុខាភិបាល ប៉ាឡេស្ទីន បានឲ្យដឹងថា ខណៈដែលអ្នកការទូតកំពូលអាមេរិក បានមកដល់ប្រទេសអេហ្ស៊ីប ដើម្បីបន្តដំណើរស្វែងរក កិច្ចព្រមព្រៀងបទឈប់បាញ់ ក្នុងរយៈពេល៤ខែ ។
អ៊ីស្រាអ៊ែល បានឲ្យដឹងថា កងកម្លាំងរបស់ខ្លួនបានសម្លាប់ខ្មាន់កាំភ្លើងប៉ាឡេស្ទីន រាប់សិបនាក់នៅទូទាំងតំបន់ហ្គាហ្សា នៅក្នុងរយៈពេល២៤ម៉ោងចុងក្រោយនេះ ជាមួយនឹងការប្រយុទ្ធគ្នាផ្តោតលើ Khan Younis នៅភាគខាងត្បូង និងការវាយលុកគម្រាមកំហែង ដែលកំពុងកើតមានលើទីក្រុងព្រំដែន ក្បែរនោះ ដែលពោរពេញទៅដោយ មនុស្សផ្លាស់ទីលំនៅ ។
លោក Antony Blinken រដ្ឋមន្ត្រីក្រសួងការបរទេសអាមេរិក បានទៅដល់ប្រទេសអេហ្ស៊ីប ដើម្បីពិភាក្សាបន្ទាប់ពីការឈប់សម្រាកក្នុងប្រទេសអារ៉ាប៊ីសាអូឌីត អំឡុងពេលការដោះស្រាយបញ្ហា មជ្ឈិមបូព៌ាចុងក្រោយបង្អស់ របស់គាត់ ដែលប៉ាឡេស្ទីនសង្ឃឹមថា នឹងកាត់បន្ថយបទឈប់បាញ់ មុនពេលកងកម្លាំងអ៊ីស្រាអ៊ែល វាយលុកតំបន់ភាគខាងត្បូងនៃតំបន់ហ្គាហ្សា ដែលប្រជាជនហ្គាហ្សា ជាងមួយលាននាក់ កំពុងជ្រកកោននៅទីនោះ ។
គួរបញ្ជាក់ថា នេះជាដំណើរលើកទី៥របស់លោក Blinken ទៅកាន់តំបន់នេះ ចាប់តាំងពីការវាយប្រហាររបស់ក្រុមសកម្មប្រយុទ្ធហាម៉ាស់មកលើអ៊ីស្រាអ៊ែលចេញពីតំបន់ហ្គាហ្សាកាលពីថ្ងៃទី៧ ខែតុលាបានបង្កឱ្យមានសង្រ្គាម ហើយដំណើរទស្សនកិច្ចលើកដំបូងរបស់គាត់ចាប់តាំងពីក្រុងវ៉ាស៊ីនតោនបានបង្ហាញពីការផ្តល់ជូនមួយ ជាមួយនឹងការដាក់បញ្ចូលអ៊ីស្រាអ៊ែល សម្រាប់បទឈប់បាញ់ជាបន្តបន្ទាប់នៃជម្លោះជាលើកដំបូង ហើយក្រុមហាម៉ាស់ លើកឡើងថា ខ្លួននៅតែពិចារណទៅលើ សំណើនេះដដែល ៕
ដោយ៖ ម៉ៅ បុប្ផាមករា
