បរទេស៖ យោងតាមការចេញផ្សាយរបស់ RT ប្រធានាធិបតីអ៊ុយក្រែន លោក Vladimir Zelensky បានតែងតាំងឧត្តមសេនីយ៍ Aleksandr Sirsky ជាប្រមុខកងកម្លាំងប្រដាប់អាវុធថ្មី កាលពីថ្ងៃព្រហស្បតិ៍ បន្ទាប់ពីបានបណ្តេញឧត្តមសេនីយ៍ Valery Zaluzhny ចេញពីមុខតំណែង។
ការផ្លាស់ប្តូរនេះកើតឡើង ជិតមួយសប្តាហ៍បន្ទាប់ពី Zelensky បានថ្លែងនៅក្នុងបទសម្ភាសន៍ជាមួយ បណ្តាញព័ត៌មានអ៊ីតាលីថាគាត់នឹងស្វែងរក ការកំណត់ឡើងវិញទាំងការដឹកនាំស៊ីវិល និងយោធានៅក្នុងទីក្រុងគៀវ ដើម្បីដោះស្រាយឱ្យកាន់តែប្រសើរឡើងជាមួយនឹង ជម្លោះដែលកំពុងបន្តជាមួយរុស្ស៊ី។
Zelensky បាននិយាយនៅក្នុង សេចក្តីថ្លែងការណ៍ជាវីដេអូថា៖ ខ្ញុំបានតែងតាំងវរសេនីយ៍ឯក Syrsky ជាអគ្គមេបញ្ជាការនៃកងកម្លាំង ប្រដាប់អាវុធអ៊ុយក្រែនហើយលោក Zelensky បាននិយាយនៅក្នុងសេចក្តីថ្លែងការណ៍ ជាវីដេអូដោយហៅគាត់ថា មេបញ្ជាការអ៊ុយក្រែនដែលមានបទពិសោធន៍ ច្រើនបំផុតជាងបេក្ខភាពណាណាទាំងអស់ ។
ដោយប្រកាសពីការបណ្តេញ Zaluzhny រដ្ឋមន្ត្រីការពារជាតិ Rustem Umerov បាននិយាយថា អ៊ុយក្រែនត្រូវការវិធីសាស្រ្តថ្មី យុទ្ធសាស្រ្តថ្មី សម្រាប់ឆ្នាំ ២០២៤ ព្រោះការប្រយុទ្ធនឹងខុសពីឆ្នាំមុនៗ ។
ទោះបីជាយ៉ាងណាក្តីប្រភពដដែល បានសរសេរថាលោក Sirsky គឺជាជនជាតិដើមរុស្ស៊ីដែលកើតនៅតំបន់ Vladimirហើយ អតីតមន្ត្រីកាំភ្លើងធំសូវៀតរូបនេះ បានជ្រើសរើសស្នាក់នៅក្នុងប្រទេសអ៊ុយក្រែន នៅពេលដែលខ្លួនបានប្រកាសឯករាជ្យ ពីសហភាពសូវៀតក្នុងឆ្នាំ១៩៩១ ហើយចូលបម្រើនៅក្នុងកងកម្លាំង របស់ទីក្រុងគៀវជំនួសវិញ ៕
ប្រែសម្រួល៖ ស៊ុន លី
