បរទេស៖ យោងតាមការចេញផ្សាយរបស់ RT នាយករដ្ឋមន្ត្រីអ៊ីស្រាអែល លោក Benjamin Netanyahu បានអះអាងនៅក្នុងបទសម្ភាសន៍ជាមួយប្រព័ន្ធផ្សព្វផ្សាយអាមេរិក កាលពីថ្ងៃចន្ទថា អ៊ីស្រាអែលឥឡូវនេះកំពុងសម្លាប់ពួកសកម្មប្រយុទ្ធហាម៉ាសច្រើនជាងជនស៊ីវិលនៅតំបន់ហ្គាហ្សា។
សេចក្តីថ្លែងការណ៍របស់គាត់បានធ្វើឡើងនៅពេលដែលកងកម្លាំងការពារអ៊ីស្រាអែល (IDF) កំពុងរៀបចំការវាយលុកលើដីនៃទីក្រុង Rafah ដ៏ចង្អៀតនៅភាគខាងត្បូងហ្គាហ្សា។
បណ្តាប្រទេសលោកខាងលិច រួមទាំងសហរដ្ឋអាមេរិក បានព្រមានអ៊ីស្រាអែលប្រឆាំងនឹងការវាយលុកដីនៅក្នុងទីក្រុង ដែលជាកន្លែងដែលប៉ាឡេស្ទីនប្រមាណ ១,៤លាននាក់បានស្វែងរកកន្លែងជ្រកកោន បន្ទាប់ពីត្រូវបានបណ្តេញចេញពីផ្ទះរបស់ពួកគេដោយការទម្លាក់គ្រាប់បែករបស់អ៊ីស្រាអែល។
ពិធីកររបស់ ABC News លោក Jonathan Karl បានបង្ហាញប្រាប់មេដឹកនាំអ៊ីស្រាអែលអំពីចំនួនអ្នកស្លាប់នៅក្នុងរង្វង់ដែលកើនលើស២៨០០០នាក់ ដូចដែលបានរាយការណ៍ដោយមន្ត្រីសុខាភិបាលហ្គាហ្សា។ លោក Netanyahu បានច្រានចោលវាជា ស្ថិតិរបស់ក្រុមហាម៉ាស់ ហើយបានជំរុញឱ្យអ្នកតាមដាន ធ្វើការទទួលស្គាល់តួលេខនេះប្រុងប្រយ័ត្ន៕ប្រែសម្រួល៖ស៊ុនលី
