វ៉ាស៊ីនតោន៖ កងកម្លាំងសហរដ្ឋអាមេរិក បានលុបចោលការហាមប្រាមការហោះហើរ ទូទាំងពិភពលោកលើយន្តហោះយោធា Osprey របស់ខ្លួន បន្ទាប់ពីការធ្លាក់យ៉ាងធ្ងន់ធ្ងរ នៅលើកោះភាគនិរតី នៃប្រទេសជប៉ុន កាលពីខែវិច្ឆិកា ប៉ុន្តែបានបញ្ឈប់ការផ្ដល់ព័ត៌មានលម្អិតអំពីមូលហេតុនៃគ្រោះថ្នាក់នេះ។
បញ្ជាការប្រព័ន្ធអាកាស របស់កងទ័ពជើងទឹកអាមេរិក បានឲ្យដឹងនៅក្នុងសេចក្តីប្រកាសព័ត៌មានថា ខ្លួនកំពុង “ចេញការបោសសំអាតជើងហោះហើរ” សម្រាប់យន្តហោះ ដែលមានការលំអៀង ដោយថា ការសម្រេចចិត្តនេះគឺផ្អែកលើ “វិធីសាស្រ្តដ៏ហ្មត់ចត់ និងជំរុញដោយទិន្នន័យ ដែលផ្តល់អាទិភាពដល់សុវត្ថិភាព នៃអាកាសយានិករបស់យើង” ។
តូក្យូ និងវ៉ាស៊ីនតោន កំពុងសម្របសម្រួលកាលវិភាគពិតប្រាកដសម្រាប់ការបន្តជើងហោះហើរដោយ Ospreys ដែលដាក់ពង្រាយក្នុងប្រទេសជប៉ុន រួមទាំងកងកម្លាំងស្វ័យការពារ របស់ជប៉ុន ក្រសួង ការពារជាតិជប៉ុន និងកងកម្លាំងសហរដ្ឋអាមេរិកជប៉ុន បានឲ្យដឹងនៅក្នុងសេចក្តី ប្រកាសព័ត៌មានរួម ដាចឲ្យដោយឡែកមួយ។
មន្ត្រីក្រសួងបានប្រាប់អ្នកយកព័ត៌មាន នៅទីក្រុងតូក្យូថា ខណៈពេលដែលមូលហេតុនៃឧបទ្ទវហេតុនេះត្រូវបាន “កំណត់អត្តសញ្ញាណ” វាមិនអាចត្រូវបានបង្ហាញជាសាធារណៈបាននោះទេ ខណៈដែលការស៊ើបអង្កេតដោយកងកម្លាំងសហរដ្ឋអាមេរិកកំពុងបន្ត។ ពួកគេបានបន្ថែមថា គ្មានពិការភាពរចនាសម្ព័ន្ធណាមួយត្រូវបានរកឃើញ ហើយមិនចាំបាច់ផ្លាស់ប្តូរការ រចនាយន្តហោះនោះទេ។
រដ្ឋមន្ត្រីការពារជាតិ Minoru Kihara បានចេញសេចក្តីថ្លែងការណ៍មួយដោយថា ប្រទេសជប៉ុនបានទទួល “ព័ត៌មានលម្អិតយ៉ាងខ្លាំងពីភាគីសហរដ្ឋអាមេរិក អំពីគ្រោះថ្នាក់ និងមូលហេតុ និងវិធានការសុវត្ថិភាពរបស់វា”៕
ប្រែសម្រួល ឈូក បូរ៉ា
