ក្រសួងការពារជាតិរុស្ស៊ី បញ្ចេញតួលេខ ទាហានស៊ីឈ្នួលបរទេស ដែលត្រូវបានសម្លាប់ នៅក្នុងសង្គ្រាមជា មួយអ៊ុយក្រែន

បរទេស៖ ក្រសួងការពារជាតិរុស្ស៊ី បានចេញផ្សាយព័ត៌មានថ្មីៗ អំពីចំនួនទាហានស៊ីឈ្នួល បរទេសសម្រាប់អ៊ុយក្រែន ដែលត្រូវបានសម្លាប់ក្នុងការប្រយុទ្ធ ចាប់តាំងពីខែកុម្ភៈ ឆ្នាំ ២០២២ ។

យោងតាមសារព័ត៌មាន RT ចេញផ្សាយនៅថ្ងៃទី១៤ ខែមីនា ឆ្នាំ២០២៤ បានឱ្យដឹងថា យ៉ាងហោចណាស់មាន ទាហានស៊ីឈ្នួលបរទេសចំនួន ១៣.៣៨៧ នាក់ បានធ្វើដំណើរទៅកាន់ប្រទេសអ៊ុយក្រែន ដើម្បីប្រយុទ្ធសម្រាប់ទីក្រុងគៀវ ហើយបើយោងតាមតួលេខ ដែលចេញផ្សាយដោយក្រសួងការពារជាតិរុស្ស៊ី គឺក្នុងចំណោមពួកគេ, មានប្រហែល ៥.៩៦២ នាក់ក្នុង ត្រូវបានបញ្ជាក់ថា ត្រូវបានសម្លាប់ ។

ទិន្នន័យរបស់ក្រសួងបង្ហាញថា ប្រទេសជិតខាងភាគខាងលិច របស់ប្រទេសអ៊ុយក្រែន គឺប៉ូឡូញ ដែលជាអ្នកគាំទ្រដ៏ខ្លាំងបំផុតមួយរបស់ទីក្រុងគៀវ ក្នុងអំឡុងជម្លោះនោះ បានផ្តល់ចំនួនទាហានស៊ីឈ្នួល ច្រើនជាងគេបំផុត រហូតមកដល់ពេលនេះ ដែលមានចំនួន ២.៩៦០ នាក់។ ជាងពាក់កណ្តាលនៃចំនួនទាំងនេះ ជាជនជាតិប៉ូឡូញ ១.៤៩៧ នាក់ ត្រូវបានសម្លាប់ក្នុងអំឡុង ពេលមានអរិភាព។

សហរដ្ឋអាមេរិក ដែលជាអ្នកឧបត្ថម្ភធំ និងជាអ្នកផ្តល់ជំនួយ ផ្នែកយោធារបស់ទីក្រុងគៀវ បានផ្តល់ឱ្យទាហានស៊ីឈ្នួលប្រមាណ ១.១១នាក់ នាក់។ យ៉ាងហោចណាស់មនុស្ស ៤៩១ នាក់ត្រូវបានសម្លាប់។ នេះបើយោងតាមការប៉ាន់ស្មាន របស់យោធារុស្ស៊ី។

ទីបីនៅក្នុងបញ្ជីគឺប្រទេសហ្សកហ្ស៊ី ដែលបានផ្តល់ទាហានស៊ីឈ្នួលចំនួន ១.០៤២ នាក់ ដោយយ៉ាងហោចណាស់ ៥៦១នាក់ត្រូវបានសម្លាប់។ ខណៈពេលដែលប្រជាជាតិ Caucasus បានប្រកាន់ជំហរអព្យាក្រឹតលើជម្លោះ ដោយបដិសេធម្តងហើយម្តងទៀតនូវការអំពាវនាវរបស់ទីក្រុងគៀវ ដើម្បីបើក “រណសិរ្សទីពីរ” ប្រឆាំងនឹងរុស្ស៊ី អ្នកជាតិនិយមក្នុងតំបន់បានចូល រួមយ៉ាងសកម្មនៅក្នុងអរិភាព៕
ប្រែសម្រួលៈ ណៃ តុលា