ដាម៉ាស់៖ កាំជ្រួចរបស់អ៊ីស្រាអែល បានវាយប្រហារទីតាំងជាច្រើននៅទីជនបទ នៃរដ្ឋធានីដាម៉ាស់ របស់ប្រទេសស៊ីរីបន្ទាប់ពីពាក់កណ្តាល អធ្រាត្រថ្ងៃអាទិត្យ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យ៉ាងហោចណាស់ទីតាំងចំនួនពីរ ត្រូវបានវាយប្រហារ ដោយមួយកន្លែង កំពុងផ្ទុកអាវុធដឹកជញ្ជូននៅក្នុងការដំឡើងយោធា ដែលប្រើដោយកងកម្លាំងយោធាស៊ីរី និងមួយទៀតនៅជិតកងវរសេនាតូច វិស្វកម្មនៅក្នុងតំបន់ Qalamoun ដ៏រឹងមាំនៅជនបទភាគខាងជើងនៃទីក្រុងដាម៉ាស់ ។
យោងតាមអង្គការឃ្លាំមើលសិទ្ធិមនុស្សស៊ីរី បានឱ្យដឹងថា ការវាយប្រហារនេះបានបង្កឱ្យមានការផ្ទុះដ៏ធំ ហើយប្រព័ន្ធការពារដែនដីស៊ីរី បានព្យាយាមស្ទាក់ចាប់ការគំរាមកំហែងដែលចូលមក។
ការវាយប្រហារនេះបង្ហាញពីការកើនឡើង ចុងក្រោយបំផុតក្នុងសកម្មភាពយោធា អ៊ីស្រាអែលប្រឆាំងនឹងស៊ីរី។ យោងតាមក្រុមសង្កេតការណ៍ ការវាយលុកតាមអាកាសរបស់អ៊ីស្រាអែល ១៦លើក និងប្រតិបត្តិការជើងគោកចំនួន ៨ ត្រូវបានគេកត់ត្រាទុករហូតមកដល់ពេលនេះ៕
ប្រែសម្រួល ឈូក បូរ៉ា
