វ៉ាស៊ីនតោន៖ រដ្ឋមន្ត្រីការបរទេសអាមេរិក លោក Antony Blinken បានអំពាវនាវឱ្យមានវិធានការពង្រឹង ដើម្បីប្រឆាំងនឹងរបបផ្តាច់ការ ដោយប្រើប្រាស់បច្ចេកវិទ្យាទំនើប ដើម្បីគំរាមកំហែងលទ្ធិប្រជាធិបតេយ្យ។
ថ្លែងនៅក្នុងវេទិកាពហុភាគីក្នុងទីក្រុងសេអ៊ូល លោក Blinken បានលើកឡើងថា “ក្នុងនាមជារបបផ្តាច់ការ និងការគាបសង្កត់ ប្រើប្រាស់បច្ចេកវិទ្យា ដើម្បីបំផ្លាញលទ្ធិប្រជាធិបតេយ្យ និងសិទ្ធិមនុស្ស យើងត្រូវធានាថា បច្ចេកវិទ្យាទ្រទ្រង់ និងគាំទ្រតម្លៃ និងបទដ្ឋានប្រជាធិបតេយ្យ”។
ប្រធានាធិបតីកូរ៉េខាងត្បូងលោក Yoon Suk Yeol ដែលកំពុងធ្វើជាម្ចាស់ផ្ទះនៃកិច្ចប្រជុំកំពូល លើកទី៣ សម្រាប់វេទិកាប្រជាធិបតេយ្យបានព្រមានថា ព័ត៌មានមិនពិតដោយផ្អែកលើ បច្ចេកវិទ្យាឌីជីថលអាចបំផ្លាញសេរីភាព និងសិទ្ធិមនុស្ស។
លោកត្រូវបានដកស្រង់សម្តី ដោយទីភ្នាក់ងារសារព័ត៌មាន Yonhap ដែលបានលើកឡើងពេលចាប់ផ្តើម នៃកិច្ចប្រជុំកំពូលរយៈពេល ៣ថ្ងៃថា បញ្ញាសិប្បនិមិត្ត និងការច្នៃប្រឌិតនៃបច្ចេកវិទ្យា ឌីជីថលកំពុងសម្រេច “ការស្រមើលស្រមៃរបស់មនុស្សលើស ពីដែនកំណត់នៃពេលវេលា និងលំហ”។
លោកបានលើកឡើងថា “ម្យ៉ាងវិញទៀតព័ត៌មានមិនពិត និងព័ត៌មានមិនពិតដែលជួយដោយ AI និងបច្ចេកវិទ្យាឌីជីថល មិនត្រឹមតែរំលោភលើសេរីភាពបុគ្គល និងសិទ្ធិមនុស្សប៉ុណ្ណោះទេ ប៉ុន្តែថែមទាំងគំរាមកំហែង ដល់ប្រព័ន្ធប្រជាធិបតេយ្យផងដែរ” ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
