រ៉ាហ្វា៖ លោក Benjamin Netanyahu នាយករដ្ឋមន្ត្រីអ៊ីស្រាអ៊ែ បានបដិសេធលើការអំពាវនាវរបស់លោក ចូ បៃដិន ដើម្បីលុបចោល ផែនការ វាយប្រហារទៅលើទឹកដី Rafah ដែលជាជម្រកចុង ក្រោយនៅតំបន់ ហ្គាហ្សា សម្រាប់ជនភៀស ខ្លួន ជាង១លាននាក់ ជាកន្លែង ដែលអ៊ីស្រាអ៊ែល ជឿជាក់ថា ក្រុមសកម្មប្រយុទ្ធហាម៉ាស់ត្រូវបានលាក់ខ្លួននៅទីនោះ ។
លោក Netanyahu បានប្រាប់ដល់សមាជិកសភា កាលពីថ្ងៃអង្គារថា លោកបានធ្វើឱ្យ “ច្បាស់លាស់បំផុត” ដល់ប្រធានាធិបតី សហរដ្ឋអាមេរិក “ថា យើងប្តេជ្ញាចិត្តដើម្បីបញ្ចប់ការលុបបំបាត់ កងវរសេនាតូច ទាំងនេះនៅតំបន់ Rafah ហើយគ្មានវិធីណា ដើម្បីធ្វើដូច្នេះបានឡើយ លើកលែងតែ ការចូលទៅក្នុងទឹកដី” ។
គេបានដឹងថា មេដឹកនាំទាំង២ បានជួបសន្ទនាគ្នា តាមទូរស័ព្ទកាលពីថ្ងៃចន្ទ ។ ទីប្រឹក្សាសន្តិសុខជាតិសេតវិមានលោក Jake Sullivan បានលើកឡើងថា ក្រុងវ៉ាស៊ីនតោន ជឿជាក់ថា ការវាយលុកទៅលើតំបន់ Rafah នឹងក្លាយជា “កំហុសឆ្គង” ហើយថា អ៊ីស្រាអ៊ែល អាចសម្រេច បាននូវគោលដៅយោធា របស់ខ្លួនតាមមធ្យោបាយផ្សេងទៀត ។
លោក Karine Jean-Pierre អ្នកនាំពាក្យសេតវិមាន បានលើកឡើង កាលពីថ្ងៃអង្គារថា មន្ត្រីអាមេរិក និងអ៊ីស្រាអ៊ែល ទំនងជានឹងជួបប្រជុំគ្នា នៅដើមសប្តាហ៍ក្រោយនៅទីក្រុងវ៉ាស៊ីនតោន ដើម្បីជួបពិភាក្សាអំពីប្រតិបត្តិការ យោធារបស់អ៊ីស្រាអ៊ែលនៅទីក្រុង Rafah ៕
ប្រែសម្រួលដោយ៖ ម៉ៅ បុប្ផាមករា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
