គៀវ៖ ប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី និងប្រធានក្រុមប្រឹក្សា អឺរ៉ុបលោក Charles Michel បានពិភាក្សាគ្នាតាមទូរស័ព្ទ ជុំវិញសេចក្តីប្រាថ្នារបស់អ៊ុយក្រែន ក្នុងការចូលរួមជា មួយសហភាពអឺរ៉ុប។
ការសន្ទនានេះបានធ្វើឡើងប៉ុន្មាន ថ្ងៃមុនពេលចាប់ផ្តើមកិច្ចប្រជុំក្រុមប្រឹក្សាអឺរ៉ុប។ មេដឹកនាំទាំងពីរបានពិភាក្សា អំពីជំហានឆ្ពោះទៅរកការចាប់ផ្តើមការចរចា ស្តីពីការចូលជាសមាជិក សហភាពអឺរ៉ុបរបស់អ៊ុយក្រែន។
លើសពីនេះលោក ហ្សេឡិនស្គី និងលោក Michel បានផ្លាស់ប្តូរការរំពឹងទុក របស់ពួកគេសម្រាប់កិច្ច ប្រជុំកំពូលអ៊ុយក្រែន-សហភាពអឺរ៉ុបលើកទី២៥ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
មេដឹកនាំទាំងពីរក៏បានពិភាក្សា អំពីការគាំទ្របន្ថែមទៀតរបស់សហភាពអឺរ៉ុប សម្រាប់អ៊ុយក្រែន រួមទាំងការពង្រីកវិធានការ សេរីភាវូបនីយកម្មពាណិជ្ជកម្ម ដែលគ្រោងនឹងផុតកំណត់នៅថ្ងៃទី៥ ខែមិថុនា សម្រាប់មួយឆ្នាំទៀត។
នៅខែធ្នូ ឆ្នាំ២០២៣ មេដឹកនាំសហភាពអឺរ៉ុប បានយល់ព្រមបើកការចរចា សមាជិកភាពជាមួយអ៊ុយក្រែន។ កិច្ចប្រជុំក្រុមប្រឹក្សាអឺរ៉ុបដែលបានគ្រោងទុកនៅថ្ងៃទី២១-២២ ខែមីនានឹងពិភាក្សាអំពីការគាំទ្ររបស់សហភាពអឺរ៉ុប សម្រាប់អ៊ុយក្រែន ក្នុងចំណោមបញ្ហាផ្សេងៗទៀត ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
