យូអិន ចោទបេឡារុស ដែលជាសម្ព័ន្ធមិត្តរបស់រុស្ស៊ីថា កំពុងដំណើរការយុទ្ធនាការ នៃអំពើហិង្សា គាបសង្កត់ដើម្បីកំទេចការមិន ចុះសម្រុងផ្នែកនយោបាយ និងរក្សាការក្តាប់អំណាច

បរទេស៖ របាយការណ៍របស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបានចោទប្រកាន់រដ្ឋាភិបាលនៃប្រទេសបេឡារុស ដែលជាសម្ព័ន្ធមិត្តដ៏សំខាន់របស់រុស្ស៊ីថា កំពុងដំណើរការយុទ្ធនាការនៃអំពើហិង្សា និងការគាបសង្កត់ដើម្បីកំទេចការមិនចុះសម្រុងផ្នែកនយោបាយ និងរក្សាការក្តាប់អំណាចរបស់ខ្លួន។

យោងតាមសារព័ត៌មាន VOA ចេញផ្សាយ នៅថ្ងៃទី២១ ខែមីនា ឆ្នាំ២០២៤ បានឱ្យដឹងថា “ដោយពិចារណាលើទំហំ នៃការរំលោភសិទ្ធិមនុស្ស ដែលបានប្រព្រឹត្តប្រឆាំង នឹងប្រជាជន នៃគូប្រជែង នយោបាយពិតប្រាកដ ឬយល់ឃើញក្នុងលក្ខណៈរើសអើង របាយការណ៍របស់ការិយាល័យ ពិពណ៌នាអំពីហេតុផលសមហេតុផល ក្នុងការជឿថា ឧក្រិដ្ឋកម្មប្រឆាំងមនុស្សជាតិ នៃការធ្វើទុក្ខបុកម្នេញអាចនឹងត្រូវបានប្រព្រឹត្ត” ។ នេះបើតាមលោក Christian Salazar Volkmann ប្រធានផ្នែកប្រតិបត្តិការ និងកិច្ចសហប្រតិបត្តិការបច្ចេកទេសនៅ OHCHR ។

របាយការណ៍ដែលលោក Volkmann បានដាក់ជូនក្រុមប្រឹក្សាសិទ្ធិមនុស្ស អង្គការសហប្រជាជាតិ កាលពីថ្ងៃពុធ ពិនិត្យមើលការរំលោភសិទ្ធិមនុស្ស ដែលត្រូវបានចោទប្រកាន់ទាំងអស់ ដែលបានប្រព្រឹត្តនៅក្នុងប្រទេសបេឡារុស្ស ទាក់ទងនឹងការបោះឆ្នោតប្រធានាធិបតីឆ្នាំ ២០២០ និងផលវិបាករបស់វា។

របាយការណ៍នេះផ្អែកលើព័ត៌មាន និងភស្តុតាងពីការសម្ភាសន៍ផ្ទាល់ជាមួយមនុស្ស ៦៥៧ នាក់ ដែលគាំទ្រដោយជាង ៥.៤០០ ចំណុច ព្រមទាំងការបញ្ជូនជាលាយលក្ខណ៍អក្សរចំនួន ២២៩ ពីជនរងគ្រោះ សាក្សី និងអង្គការមិនមែនរដ្ឋាភិបាល។

លោក Volkmann បាននិយាយថា ព័ត៌មាន ដែលប្រមូលបានកាលពីឆ្នាំមុន “បញ្ជាក់ពីទំហំ និងគំរូនៃការរំលោភបំពាន” ដែលត្រូវបានកំណត់ នៅក្នុងរបាយការណ៍មុន ហើយបានរកឃើញថា ចាប់តាំងពីថ្ងៃទី ១ ខែឧសភា ឆ្នាំ ២០២០ មក ប្រទេសបេឡារុស្សបាន “ដកហូតប្រជាជនបេឡារុស្ស យ៉ាងមានប្រសិទ្ធភាពនូវលទ្ធភាពក្នុងការអនុវត្ត” សិទ្ធិពលរដ្ឋរបស់ពួកគេ ៕
ប្រែសម្រួលៈ ណៃ តុលា