វ៉ាស៊ីនតោន៖ រដ្ឋមន្ត្រីការបរទេសសហរដ្ឋអាមេរិក លោក Antony Blinken ក្នុងដំណើរទស្សនកិច្ចទៅកាន់ប្រទេស អ៊ីស្រាអែល បានអះអាងជាថ្មីថា សហរដ្ឋអាមេរិក ប្រឆាំងនឹងប្រតិបត្តិការជើងគោក ដោយយោធាអ៊ីស្រាអែល នៅក្រុងរ៉ាហ្វា ។
លោកបានលើកឡើងថា “យើងចែករំលែកគោលដៅ របស់អ៊ីស្រាអែល ក្នុងការកម្ចាត់ក្រុមហាម៉ាស ដែលទទួលខុសត្រូវ ចំពោះការសម្លាប់រង្គាលដ៏អាក្រក់បំផុត របស់ប្រជាជន ជ្វីហ្វចាប់តាំងពីការសម្លាប់រង្គាលមក ។ ហើយយើងចែករំលែកនូវគោលដៅ នៃការធានាសន្តិសុខរយៈពេលវែងរបស់អ៊ីស្រាអែល” ។
លោក Blinken បានឲ្យដឹងនៅក្នុងសុន្ទរកថាទៅកាន់សារព័ត៌មាននៅទីក្រុង Tel Aviv ថានៅក្នុងទីក្រុងរ៉ាហ្វា មិនមែនជាវិធី ដើម្បីធ្វើវានោះទេ” នេះបើយោងតាមប្រតិចារិក ដែលបានបោះពុម្ពផ្សាយដោយក្រសួងការបរទេស។
លេខាធិការបានបន្ថែមថា “វាប្រថុយនឹងការសម្លាប់ជនស៊ីវិលកាន់តែច្រើន វាប្រថុយនឹងការបំផ្លិចបំផ្លាញកាន់តែខ្លាំងជាមួយនឹងការផ្តល់ជំនួយមនុស្សធម៌ វាប្រថុយនឹងការធ្វើឱ្យអ៊ីស្រាអែល ឯកោនៅជុំវិញពិភពលោក និងធ្វើឱ្យប៉ះពាល់ដល់សន្តិសុខ និងជំហរយូរអង្វែង” ។
ក្នុងអំឡុងពេលដំណើរទស្សនកិច្ចលើកទីប្រាំមួយរបស់លោក Blinken ទៅកាន់ប្រទេសអ៊ីស្រាអែល ចាប់តាំងពីការវាយប្រហារកាលពីថ្ងៃទី០៧ ខែតុលា ដោយក្រុមហាម៉ាស់ មកលើជនស៊ីវិលអ៊ីស្រាអែល ហើយលោកបានជួបជាមួយនាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ និងសមាជិកនៃគណៈរដ្ឋមន្ត្រីសង្គ្រាមអ៊ីស្រាអែល ដើម្បីពិភាក្សាអំពីបញ្ហាជាច្រើនជុំវិញស្ថានការណ៍នៅហ្គាហ្សា។
នៅក្នុងសញ្ញានៃការបែក បាក់គ្នាកាន់តែខ្លាំងឡើងរវាងរដ្ឋាភិបាលរបស់លោក ណេតាន់យ៉ាហ៊ូ និងរដ្ឋបាលលោក ចូ បៃដិន នាយករដ្ឋមន្ត្រីអ៊ីស្រាអែល បានឲ្យដឹងនៅក្នុងសេចក្តីថ្លែងការណ៍មួយថា យោធាអ៊ីស្រាអែលមានភាពម៉ឺងម៉ាត់ក្នុងការឈានទៅដល់ទីក្រុងរ៉ាហ្វា ដែលអាចធ្វើវាបាន ទោះបីជាមិនមានការគាំទ្រ ពីសហរដ្ឋអាមេរិកក៏ដោយ។
លោក ណេតាន់យ៉ាហ៊ូ បានឲ្យដឹងថា លោកបានប្រាប់ Blinken ថា “យើងគ្មានវិធីដើម្បីកម្ចាត់ក្រុមហាម៉ាស់ ដោយមិនចូលទៅក្នុងទីក្រុងរ៉ាហកវា និងលុបបំបាត់កងវរសេនាតូច ដែលនៅសេសសល់នៅទីនោះទេ”៕
ប្រែសម្រួល ឈូក បូរ៉ា
