ភេវរករដែលវាយប្រហារក្រុងមូស្គូ ស្ទើរតែបានត្រឡប់ទៅដល់ អ៊ុយក្រែនវិញទៅហើយ ក្នុងនាមជាវិរៈបុរស

បរទេស៖ យោងតាមការចេញផ្សាយរបស់ RT លោក Aleksandr Bortnikov ប្រធានទីភ្នាក់ងារសន្តិសុខសហព័ន្ធរុស្ស៊ី ហៅកាត់ថាFSBបាននិយាយថា ខ្មាន់កាំភ្លើងទាំងបួននាក់ដែល ទទួលខុសត្រូវចំពោះការវាយប្រហារ ដោយភេរវកម្មកាលពីថ្ងៃសុក្រលើសាលតន្ត្រី Crocus City ក្នុងទីក្រុងមូស្គូ គ្រោងនឹងរត់គេចខ្លួនទៅកាន់ ប្រទេសអ៊ុយក្រែន មុនពេលពួកគេត្រូវបានចាប់ខ្លួន ដោយការអនុវត្តច្បាប់របស់រុស្ស៊ី។

ថ្លែងទៅកាន់អ្នកកាសែតរុស្ស៊ី Pavel Zarubin កាលពីថ្ងៃអង្គារ ប្រធាន FSB បាននិយាយថា បច្ចុប្បន្ននេះ គេជឿថាខ្មាន់កាំភ្លើងទាំងបួននាក់ កំពុងត្រូវបានរំពឹងទុកនៅក្នុងប្រទេសអ៊ុយក្រែន ហើយថាភាគីអ៊ុយក្រែនប្រហែល ជាកំពុងរៀបចំបើកទ្វា ដើម្បីអនុញ្ញាតឱ្យពួកគេឆ្លងកាត់ព្រំដែន។

លោកBortnikov បានសារភាពទៀតថាទោះជាយ៉ាងណា កំណែនៃព្រឹត្តិការណ៍នេះនៅតែត្រូវបានពិនិត្យហើយថា វាលឿនពេកក្នុងការនិយាយថា តើព័ត៌មាននេះត្រឹមត្រូវទាំងស្រុងឬយ៉ាងណា។ យ៉ាង​ណា​ក៏​ដោយ លោក​បាន​បញ្ជាក់​ថា បច្ចុប្បន្ន​អាជ្ញាធរ​កំពុង​ព្យាយាម​ស្វែងរក មនុស្ស​ទាំងអស់​ដែល​ពាក់ព័ន្ធ​នឹង​ ការ​វាយ​ប្រហារ​ទាំង​ក្នុង និង​ក្រៅ​ប្រទេស​រុស្ស៊ី។

នៅពេលសួរថាតើអ្នកដែលបាន បញ្ជាឱ្យការវាយប្រហារនោះបានរំពឹងថា ខ្មាន់កាំភ្លើងនឹងត្រូវសម្លាប់ ក្នុងអំឡុងពេលនៃការវាយប្រហារ និងជៀសវាងការចាប់ខ្លួនទាំងរស់ ដោយសេវាសន្តិសុខរុស្ស៊ីនោះ លោក Bortnikov បាននិយាយថាការពិតដែលថា ពួកគេកំពុងព្យាយាមរត់គេច បង្ហាញថាមានផែនការសម្រាប់ពួកគេ ដើម្បីរួចផុតពីការចាប់ខ្លួនលើកនេះ៕

ប្រែសម្រួល៖ ស៊ុន លី