វ៉ាស៊ីនតោន៖ យោងតាមសេចក្តីព្រាងច្បាប់នេះ សហរដ្ឋអាមេរិក និងជប៉ុន បានរៀបចំដំណោះស្រាយក្រុមប្រឹក្សាសន្តិសុខអង្គការសហប្រជាជាតិ ដែលនឹងជំរុញការហាមឃាត់អាវុធនុយក្លេអ៊ែរនៅក្នុងលំហអាកាស ចំពេលមានការព្រួយបារម្ភថា រុស្ស៊ី អាចណែនាំមួយជាផ្នែកមួយនៃប្រព័ន្ធ ដែលមានគោលបំណងបំផ្លាញផ្កាយរណប។
សេចក្តីព្រាងច្បាប់នេះនឹងអំពាវនាវដល់សមាជិកអង្គការសហប្រជាជាតិ “កុំឱ្យអភិវឌ្ឍអាវុធនុយក្លេអ៊ែរ ឬអាវុធប្រល័យលោកណាមួយផ្សេងទៀត ដែលត្រូវបានរចនាឡើងជាពិសេស ដើម្បីដាក់ក្នុងគន្លងជុំវិញផែនដី” ស្របតាមគោលនយោបាយ ស្តីពីការប្រើប្រាស់លំហអាកាសដោយសន្តិវិធី ដែលរំពឹងថា នឹងត្រូវបានគាំទ្រដោយ មេដឹកនាំអាមេរិក និងជប៉ុន អំឡុងជំនួបកំពូលនៅក្រុងវ៉ាស៊ីនតោននៅខែក្រោយ។
ទោះបីជាយ៉ាងណាក៏ដោយ វានៅតែមិនប្រាកដប្រជាថាតើក្រុមសន្តិសុខសំខាន់ៗរបស់ស្ថាប័នពិភពលោកនឹងអាចបោះឆ្នោតលើសេចក្តីព្រាងសេចក្តីសម្រេចនេះបានទេ ខណៈដែលរុស្ស៊ីត្រូវបានគេរំពឹងថានឹងប្រឆាំងនឹងវា ឬយ៉ាងណា។
សន្ធិសញ្ញាលំហអាកាសឆ្នាំ១៩៦៧ ហាមប្រាមប្រទេសហត្ថលេខី រួមទាំងរុស្ស៊ីផងដែរ ពីការដាក់ក្នុងគន្លងជុំវិញផែនដី “វត្ថុទាំងឡាយណា ដែលផ្ទុកអាវុធនុយក្លេអ៊ែរ ឬប្រភេទអាវុធប្រល័យលោកផ្សេងទៀត”។
ឯកសារដែលរៀបចំដោយសហរដ្ឋអាមេរិក និងជប៉ុនក៏បានលើកឡើងអំពី “ផលវិបាកធ្ងន់ធ្ងរ” សម្រាប់ផលប្រយោជន៍របស់សមាជិកអង្គការសហប្រជាជាតិទាំងអស់ ដែលអាចបណ្តាលមកពីការបំផ្ទុះអាវុធបែបនេះនៅក្នុងលំហអាកាស៕
ប្រែសម្រួល ឈូក បូរ៉ា
