បរទេស៖ យោងតាមការចេញផ្សាយរបស់ RT អ្នកនាំពាក្យក្រសួងការបរទេសរុស្ស៊ីបានព្រមានកាលពីថ្ងៃអាទិត្យថា ទីក្រុងមូស្គូអាចធ្វើពហិការមិន ទទួលយកទំនិញមួយចំនួនរបស់បារាំងនោះទេ បន្ទាប់ពីអភិបាលក្រុងប៉ារីសលោកស្រី Anne Hidalgo បាននិយាយថា អត្តពលិករុស្ស៊ី និងបេឡារុស មិនស្វាគមន៍ នៅក្នុងព្រឹត្តិការណ៍កីឡាអូឡាំពិកនាពេលខាងមុខ។
អ្នកនាំពាក្យរូបនេះបាននិយាយដែរថា៖តើអ្នកគិតថាប្រហែលជាយើងគួរយកផលិតផលបារាំងមួយចំនួនដែលឥឡូវតំណាងយ៉ាងទូលំទូលាយនៅក្នុង ប្រទេសរុស្ស៊ី ហើយប្រកាសថា ‘ពួកគេនឹងមិនត្រូវបានស្វាគមន៍ ទេ?នេះគឺជាអ្វីដែលលោកស្រីអ្នកនាំពាក្យ Maria Zakharova បានសរសេរកាលពី ថ្ងៃអាទិត្យនៅលើប៉ុស្តិ៍ Telegram របស់នាង។
អភិបាលក្រុងនៃរដ្ឋធានីបារាំងដែលគ្រោងនឹងធ្វើជាម្ចាស់ផ្ទះកីឡាអូឡាំពិកក្នុងខែកក្កដា និងសីហា បានធ្វើការអត្ថាធិប្បាយកាលពីសប្តាហ៍មុនក្នុងដំណើរទៅ កាន់ទីក្រុងគៀវ ជាកន្លែងដែលនាងបានទៅទស្សនាមជ្ឈមណ្ឌលហ្វឹកហ្វឺនសម្រាប់អត្តពលិកអ៊ុយក្រែន។
ឆ្លើយតបនឹងពាក្យរបស់អភិបាលក្រុង Zakharova បានកត់សម្គាល់ថាប្រទេសរុស្ស៊ីមាន ជម្រើសយ៉ាងច្រើនទៅលើទំនិញ ដែលអាចប្រើជំនួសផលិតផល បារាំងមួយចំនួនបាន៕ ប្រែសម្រួល៖ស៊ុនលី
