បរទេស៖យោងតាមការចេញផ្សាយរបស់ RT តុលាការស្រុក Basmanny បានប្រកាសកាលពីថ្ងៃច័ន្ទថា ជនសង្ស័យទី១០ ត្រូវបានដាក់ឱ្យស្ថិតនៅក្រោមការចាប់ខ្លួន ពាក់ព័ន្ធ នឹងការវាយប្រហារភេរវ កម្មកាលពីថ្ងៃទី ២៣ ខែមីនា លើសាលតន្ត្រី Crocus City ក្បែរទីក្រុងមូស្គូ។
បុរសដែលមានឈ្មោះថាYusufzoda Yakubjoni ដែលជាជនជាតិ Tajikistani ត្រូវបន្តឃុំខ្លួនរហូតដល់ថ្ងៃទី២២ឧសភា ហើយប្រឈមមុខនឹងការចោទប្រកាន់ ថាមានជាប់ពាក់ព័ន្ធក្នុងការរៀបចំអំពើភេរវកម្មនេះ។
យោងតាមគណៈកម្មាធិការស៊ើបអង្កេតរុស្ស៊ី ជាច្រើនថ្ងៃមុនពេលឧប្បត្តិហេតុ Crocus លោក Yusufzoda ត្រូវបានគេជឿថាបានផ្ទេរប្រាក់ទៅឱ្យជនសង្ស័យម្នាក់ក្នុងចំណោម ជនសង្ស័យដែលត្រូវបានចោទ ប្រកាន់ថាមានជាប់ពាក់ព័ន្ធ ដើម្បីផ្តល់កន្លែងស្នាក់នៅសម្រាប់សកម្មភាពនេះហើយបន្ទាប់ពីការវាយប្រហារ លោកបានផ្ទេរប្រាក់មួយចំនួនទៀតទៅឱ្យជន ដៃដល់ម្នាក់ក្នុងការសម្លាប់រង្គាលនោះ។
សារព័ត៌មានក្នុងស្រុករាយការណ៍ដោយដកស្រង់ ឯកសារសំណុំរឿងរបស់តុលាការបានអះអាងថាលោក Yusufzoda កើតក្នុងឆ្នាំ១៩៩៨និងមានប្រពន្ធ និងកូនបីនាក់ហើយ ក្នុងអំឡុងពេលចាប់ ខ្លួនគាត់កាលពីសប្តាហ៍មុន គាត់ត្រូវបានគេនិយាយថា បានប្រឆាំងយ៉ាងសកម្មទៅនឹងក្រុម ប៉ូលីស ហើយបានបដិសេធមិនផ្តល់ឯកសារអត្តសញ្ញាណរបស់ខ្លួនឡើយ៕
ប្រែសម្រួល៖ស៊ុនលី
