បរទេស៖ ក្រសួងទេសចរណ៍ និងកីឡា ប្រទេសថៃ បានឱ្យដឹងនៅថ្ងៃអង្គារថា ប្រទេសថៃទទួលបានភ្ញៀវទេសចរបរទេសចំនួន ៩,៤ លាននាក់ក្នុងរយៈពេលបីខែដំបូងនៃឆ្នាំនេះ ដែលបានរួមចំណែកប៉ាន់ប្រមាណចំនួន ៤៥៤,៦ ពាន់លានបាត ដល់សេដ្ឋកិច្ចក្នុងការចំណាយ។
យោងតាមសារព័ត៌មានថៃ បាងកក ប៉ុស្តិ៍ ចេញផ្សាយ នៅថ្ងៃទី២ ខែមេសា ឆ្នាំ២០២៤ បានឱ្យដឹងថា ប្រទេសថៃ កំពុងកំណត់គោលដៅ ទទួលយកភ្ញៀវទេសចរ ចំនួន ៤០លាននាក់នៅឆ្នាំនេះ ដែលជាតួរលេខជិតទៅនឹងមុនពេល នៃការរីករាលដាលនៃមេរោគឆ្លងនៅឆ្នាំ ២០១៩។
យោងតាមអាជ្ញាធរទេសចរណ៍ថៃ (TAT) ពិធីបុណ្យសង្ក្រាន្ត រយៈពេល ២១ ថ្ងៃនៅឆ្នាំនេះ ត្រូវបានគេព្យាករណ៍ថា នឹងបង្កើតប្រាក់ចំណូលពីទេសចរណ៍ ក្នុងស្រុកចំនួន ៥២,៥ ពាន់លានបាត ដោយខេត្តនៅភាគខាងកើត ទទួលបានប្រាក់ចំណូលច្រើនជាងគេ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
