បរទេស៖ នាយក FBI លោក Christopher Wray បាននិយាយ នៅថ្ងៃព្រហស្បតិ៍ថា ពួក Hacker ដែលមានទំនាក់ទំនង នឹងរដ្ឋាភិបាលចិន បានចូលទៅក្នុងហេដ្ឋារចនាសម្ព័ន្ធសំខាន់ៗរបស់សហរដ្ឋអាមេរិក ហើយកំពុងរង់ចាំ “ពេលវេលាត្រឹមត្រូវដើម្បីបំផ្លិចបំផ្លាញ” ។
យោងតាមសារព័ត៌មាន Reuters ចេញផ្សាយនៅថ្ងៃទី១៩ ខែមេសា ឆ្នាំ២០២៤ បានឱ្យដឹងថា លោក Christopher Wray បាននិយាយនៅក្នុងសុន្ទរកថា នៅសកលវិទ្យាល័យ Vanderbilt ថា យុទ្ធនាការលួចចូល របស់ចិន ដែលកំពុងដំណើរការដែលគេស្គាល់ថា Volt Typhoon បានទទួលជោគជ័យ ក្នុងការចូលទៅកាន់ក្រុមហ៊ុនអាមេរិក ជាច្រើនក្នុងវិស័យទូរគមនាគមន៍ ថាមពល ទឹក និងផ្នែកសំខាន់ៗផ្សេងទៀត ដោយមានប្រតិបត្តិករចំនួន ២៣គោលដៅ ។
លោក Wray បាននិយាយនៅឯកិច្ចប្រជុំកំពូល Vanderbilt ឆ្នាំ ២០២៤ ស្តីពីជម្លោះសម័យទំនើប និងការគំរាមកំហែងដែលកំពុងកើតមានថា “ផែនការរបស់ក្រុមនេះគឺដើម្បីវាយលុកកម្រិតទាបប្រឆាំងនឹងហេដ្ឋារចនាសម្ព័ន្ធស៊ីវិល ដើម្បីព្យាយាមបង្កឱ្យមានការភ័យស្លន់ស្លោ” ។ ប្រទេសចិនកំពុងអភិវឌ្ឍ “សមត្ថភាពក្នុងការធ្វើឱ្យខូចទ្រង់ទ្រាយរាងកាយ លើហេដ្ឋារចនាសម្ព័ន្ធសំខាន់ៗរបស់យើងនៅពេលជ្រើសរើស”។
លោក Wray បាននិយាយថា វាជាការលំបាក ក្នុងការកំណត់ពីចេតនានៃទីតាំងមុនតាមអ៊ីនធឺណិតនេះ ដែលស្របតាមចេតនាដ៏ទូលំទូលាយ របស់ចិនក្នុងការរារាំងសហរដ្ឋអាមេរិក ពីការការពារកោះតៃវ៉ាន់។
ចិនបានអះអាងថា គ្រប់គ្រងតៃវ៉ាន់តាមបែបប្រជាធិបតេយ្យជាទឹកដីរបស់ខ្លួន ហើយមិនដែលបោះបង់ការប្រើប្រាស់កម្លាំងដើម្បីយកកោះនេះមកក្រោមការគ្រប់គ្រងរបស់ខ្លួនឡើយ។ កោះតៃវ៉ាន់ ជំទាស់យ៉ាងខ្លាំងចំពោះការទាមទារអធិបតេយ្យភាពរបស់ចិន ហើយនិយាយថាមានតែប្រជាជន របស់កោះនេះទេដែលអាចសម្រេចចិត្ត អនាគតរបស់ពួកគេ។
កាលពីដើមសប្តាហ៍នេះ អ្នកនាំពាក្យក្រសួង ការបរទេសចិនបាននិយាយថា ការបើកផ្ទាំងថ្មី Volt Typhoon តាមពិតមិនពាក់ព័ន្ធនឹងរដ្ឋាភិបាល របស់ប្រទេសចិនទេ ប៉ុន្តែជាផ្នែកមួយនៃក្រុមប្រព័ន្ធរារាំងរបស់សូសវែ ransomware ឧក្រិដ្ឋកម្ម៕
ប្រែសម្រួល: ណៃ តុលា
