បរទេស៖ កាលពីថ្ងៃទី ២៣ ខែមេសា ឆ្នាំ ២០២៤ នៅរាជធានីភ្នំពេញ រដ្ឋមន្ត្រីការបរទេសចិន លោក Wang Yi បានអបអរសាទរគណបក្សប្រជាជនកម្ពុជាចំពោះការបោះឆ្នោតឡើងវិញ ។ លោកសង្ឃឹមថា ទំនាក់ទំនងរវាងរដ្ឋាភិបាលចិន និងកម្ពុជានឹងបន្តរីកចម្រើនដូចអតីតកាល។ លោកបានមានប្រសាសន៍ថា “ថ្នាក់ដឹកនាំចិនមានការគោរពយ៉ាងខ្លាំងចំពោះមេដឹកនាំកម្ពុជា”។
បើតាមការចេញផ្សាយរបស់សារព័ត៌មាន The Khmer Today កាលពីថ្ងៃទី២៣ ខែមេសា ឆ្នាំ២០២៤ បានឱ្យដឹងថា លោក Wang Yi បានបញ្ជាក់ពីការសង្កត់ធ្ងន់របស់ប្រទេសចិនក្នុងការធ្វើការជាមួយភាគីម្ខាងទៀតដើម្បីផ្លាស់ប្តូរព័ត៌មាន ដោយបដិសេធយ៉ាងម៉ឺងម៉ាត់នូវប្រភេទនៃ “បដិវត្តន៍ពណ៌” និងការបន្តការអភិវឌ្ឍន៍ ជាពិសេសចំពោះកិច្ចព្រមព្រៀងមុនៗ ដើម្បីពង្រឹង និងជំរុញកិច្ចសហប្រតិបត្តិការទ្វេភាគី។
ប្រវត្តិនៃភាពជាដៃគូ៖
សូមគោរពជូនពរលោក Wang ក្នុងនាមជាមិត្តចាស់ និងជាអ្នកសហការដ៏យូរអង្វែង សម្តេចតេជោ ហ៊ុន សែន បានស្វាគមន៍យ៉ាងស្មោះស្ម័គ្រនៅក្នុងសុន្ទរកថារបស់សម្តេច។ ដោយរំលឹកថា លោក Wang បានមកបំពេញទស្សនកិច្ចនៅកម្ពុជាពីរដងក្នុងរយៈពេលតិចជាងមួយឆ្នាំ មេដឹកនាំកម្ពុជាបាននិយាយថា នេះជាភស្តុតាងនៃការយកចិត្តទុកដាក់របស់ប្រទេសចិនចំពោះប្រទេសក្នុងអំឡុងពេលនៃការផ្លាស់ប្តូរដោយសន្តិភាព ស្ថិរភាពនយោបាយ ប្រតិបត្តិការសេដ្ឋកិច្ចរីកចម្រើន និងការអភិវឌ្ឍន៍ជាបន្តបន្ទាប់។
លើសពីនេះ សម្តេចតេជោ ហ៊ុន សែន បានអបអរសាទរចំពោះដំណើរទស្សនកិច្ចរបស់លោក និងបានបង្ហាញពីក្តីសង្ឃឹមថា វានឹងពង្រឹងទំនាក់ទំនងទ្វេភាគីរបស់កម្ពុជា និងចិនបន្ថែមទៀត។
ដោយទីក្រុងប៉េកាំងសន្យាការពារសន្តិសុខរបស់មេដឹកនាំកម្ពុជា និងក្រុមគ្រួសារ ជំនួបរវាងលោក Wang និងសម្តេចតេជោ ហ៊ុន សែន បង្ហាញពីការពង្រឹងទំនាក់ទំនងរវាងកម្ពុជា និងចិន។ នេះកើតឡើងបន្ទាប់ពីការបោះឆ្នោតកន្លងមកឃើញថា គណបក្សប្រជាជនកម្ពុជា ទទួលបានជ័យជម្នះភ្លូកទឹកភ្លូកដី។
កិច្ចសហប្រតិបត្តិការអាជីវកម្ម និងភាពជាដៃគូយុទ្ធសាស្ត្រ៖
ប្រទេសចិនបានផ្តល់ជំនួយ និងការវិនិយោគរាប់ពាន់លានដុល្លារដល់កម្ពុជា ដែលធ្វើឱ្យចិនក្លាយជាសម្ព័ន្ធមិត្ត និងអ្នកគាំទ្រដ៏សំខាន់។ ម៉្យាងវិញទៀត ក្រុមអ្នកជំទាស់អះអាងថា ទីក្រុងប៉េកាំងកំពុងគាំទ្ររបបផ្តាច់ការរបស់សម្តេច ហ៊ុន សែន និងធ្វើឱ្យលទ្ធិប្រជាធិបតេយ្យចុះខ្សោយ។
ប្រទេសចិនគឺជាដៃគូពាណិជ្ជកម្ម និងអ្នកផ្តល់ប្រាក់កម្ចីដ៏សំខាន់របស់កម្ពុជា ដែលផ្តល់ប្រាក់កម្ចីដល់ហិរញ្ញវត្ថុផ្លូវហាយវេ ព្រលានយន្តហោះ និងគម្រោងហេដ្ឋារចនាសម្ព័ន្ធផ្សេងទៀត ក្រោមគំនិតផ្តួចផ្តើមខ្សែក្រវ៉ាត់ និងផ្លូវ។ ប្រទេសទាំងពីរបានបង្កើតសម្ព័ន្ធភាពសេដ្ឋកិច្ច និងយុទ្ធសាស្ត្រដ៏រឹងមាំ។
ការសន្យារបស់ប្រទេសចិន ក្នុងការជួយសន្តិសុខរបស់សម្តេចតេជោហ៊ុន សែន និងក្រុមគ្រួសាររបស់សម្តេច នៅពេលដែលសម្តេចចូលកាន់តំណែងជាប្រធានព្រឹទ្ធសភា និងគណបក្សប្រជាជនកម្ពុជា បង្ហាញពីការប្តេជ្ញាចិត្តរបស់ទីក្រុងប៉េកាំង ក្នុងការពង្រឹងទំនាក់ទំនងជាមួយនឹងថ្នាក់ដឹកនាំកម្ពុជា៕
ប្រែសម្រួល: ណៃ តុលា
